ҚР Мемлекеттік қызмет істері агенттігінің Ақмола облысы бойынша департаменті басшысының орынбасары Дархан Хайруллин жұмыс сапарымен Сандықтау ауданына барды. Іссапардың негізгі мақсаты — Сандықтау ауданының төтенше жағдай салдарынан зардап шеккен азаматтарына мемлекеттік қызметтерді алуға жәрдемдесу, мемлекеттік қызметтегі қызметтік әдеп нормаларын сақтау мәселелерін талқылау болды.
Іссапар барысында Дархан Хайруллин аудан әкімі аппаратының мемлекеттік қызметшілерімен кездесіп, қолданыстағы заңнаманың өзекті нормаларымен таныстырды. Содан кейін, «Азаматтарға арналған үкімет» КЕАҚ Ақмола облысы бойынша филиалының «Жұмыспен қамту және әлеуметтік бағдарламалар бөлімі» ММ-нің, мансап орталығының және Сандықтау ауданының бөлімінің жұмыстарымен танысты.
Сонымен қатар Дархан Хайруллин азаматтарды қабылдап, олардың толғандырған сұрақтарына жауап берді.
