Ақмола облысының аумағында «Автобус» жедел-алдын алу іс-шарасы аяқталды. 7 күн ішінде полиция жолаушылар көлігінің жүргізушілері жасаған 780-ден астам жол қозғалысы ережелерін бұзушылықты анықтады.

Қоғамдық көлік жүргізушілерінің маневр жасау ережелерін бұзуы ең үлкен алаңдаушылық туғызады, осы құқық бұзушылық үшін 143 жүргізуші әкімшілік жауапкершілікке тартылды. Жол қозғалысы ережелерін жиі бұзудың арасында екінші орында-рульде ұялы телефонды пайдалану, мұндай фактілердің 128-і анықталды.

Сонымен қатар өткен кезеңде міндетті техникалық байқаудан өтпей 104 жүргізуші автожолдарда жүрген, автокөлікті заңсыз түрлендірген 20 автобус жүргізушісі орнатылды.

ЖАІШ барысында полиция қызметкерлері 507 автобусты жылыту жағдайының сәйкестігіне тексерді, оның нәтижесі бойынша автобус парктерінің 7 лауазымды тұлғасы әкімшілік жауапкершілікке тартылды.

Сондай-ақ техникалық регламенттердің, ұлттық стандарттардың талаптарына сай келмейтін 66 бұзушылық анықталды. 48 көлік айып тұрағына қойылды.

Тіркелген құқық бұзушылықтардың ішінде полицейлер сақтандыру полисінсіз және рейс алдындағы медициналық және техникалық тексеруден өтпеген жүргізуді, жолаушыларды, багажды және жүктерді тасымалдау ережелерін бұзуды, еңбек режимін бұзуды атап өтеді.