Целиноград аудандық мәдениет үйінде Абылай ханның 310 жылдығы, Құрманғазы Сағырбайұлының 205 жылдығы, Ақан сері Қорамсаұлының 180 жылдығына арналған «Ақмола жұлдыздары» облыстық халық шығармашылығы байқауының гала-концерті өтті.

120 000 мыңнан астам халық саны бар ауданда 20 мәдениет нысаны жұмыс жасайды, клубтық құрылымдар саны — 220.

Сегіз шығармашылық ұжым «Халықтық» және 1 ұжым «Үлгілі» атақтарына ие.
«Ақмола жұлдыздары» халық шығармашылығы байқауына барлығы 2605 адам қатысты, оның ішінде 19 ауылдық округтар қамтылады.

Целиноград аудандық «Ақмола жұлдыздары» халық шығармашылығы байқауына барлық аудандық, ауылдық мәдениет үйлер мен клубтары, Талапкер, Қоянды, Софиевка, Қабанбай батыр, Қызылжар, Жаңажол, Тасты, Ақмол, Жалғызқұдық, Нұресіл, Жаңа Жайнақ, Арайлы, Жаңаесіл, Қарамеңді батыр, Родина, Садовое, Зеленый Гай, Қараөткел, Арайлы, Мәншүк, Шалқар, Опан мектептері, халыққа қызмет көрсету орталығы, «Жас шабыт» шығармашылық орталығы, «Курочка-Ряба», «Агрофирма Родина» ЖШС, «Жұлдыз» бала-бақшасы, «Целиноград коммуналдық қызметі» ШЖҚ МКК, «Акмола-Феникс» АҚ, аудандық емхана белсенді қатысты.

Гала-концертте 33 шығармашылық ұжымдар дәстүрлі ән, фольклорлық, хореографиялық, балет, вокалды-хор, халық аспаптар оркестрі, шулы аспаптар ансамблі, көркемсөз мәнерлеп оқу, драма, вокалды-аспапты ансамбль, классика, эстрада жанрлары бойынша өз шеберліктерін көрсетті.