Мерекелік шара жергілікті шығармашылық ұжымдардың «Бір шаңырақ астында» және Қазақстан халқы Ақмола Ассамблеясы этномәдени бірлестіктерінің «Достық дәмі» облыстық фестивальдері аясында өтті.
Сонымен қатар, жиналған жұртшылыққа театрландырылған көрініс қойылып, хореографиялық ұжымдары ел бірлігін паш ететін ұлттық билерді биледі. Сондай-ақ, сан алуан ұлт өкілдері өздерінің қолөнер туындыларын, мәдениетінен сыр шертетін ұлттық бұйымдарын жұрт назарына ұсынды. Шара жергілікті көркем өнерпаздар мен шығармашылық ұжымдардың концерттік бағдарламасына ұласты.
Ал кешкісін облыстық жастар ресурстық орталығы ұйымдастырған жастарға арналған ойын-сауық бағдарламасына ұласады.
