Жалпы құқық бұзушылық үшін заңды жауапкершіліктің негізгі және басты міндеті – қоғамға және құқықтық тәртіпке қолсұғушылықты болдырмау болып табылады.

Кәмелетке толмағандар арасындағы қылмыстың өсуін азайтудың жолдарын іздестіру және олардың алдын алудың тиімділігін артыру, қазіргі кезеңде қоғам алдында тұрған өзекті де әлеуметтік маңызды міндеттердің бірі екені сөзсіз.

Осыған байланысты, Аршалы ауданының прокуратурасы жергілікті атқарушы органның және аудандық полиция бөлімінің осы бағыттағы 2021-2022 жылдарға және ағымдағы жылдың өткен кезеңіне қабылдаған шараларының тиімділігі мен толықтығына талдау жүргізді.

Талдау барысында профилактикалық іс-шаралар тек қағаз жүзінде жүргізілетіні және формальды сипатқа ие екендігі анықталды. Құқық бұзушылықтардың алдын алу жөніндегі уәкілетті органдар мен комиссияларға жүктелген жұмыс тиісті деңгейде жүргізілмейді, соның салдарынан профилактикалық есепте тұрған адамдар қайталама құқық бұзушылықтар жасайды, бұл өз кезегінде аудан аумағында әкімшілік құқық бұзушылықтардың өсуіне себеп болды.

Анықталған заң бұзушылықтар бойынша аудандық полиция басқармасына прокурорлық қадағалау актісі енгізілді.

Аудан прокуратурасының ұсынысы бойынша уәкілетті органдардың жұмысында оң динамикаға қол жеткізілді, сондай-ақ құқық бұзушылықтардың алдын алу бойынша міндеттемелер жүктелген барлық субъектілердің үйлестірілуі мен өзара іс-қимылы жақсарды. Бұдан басқа, аудандық мәслихатқа комиссия құрамына өзгерістер енгізу туралы аудан әкімдігінің қаулылары жолданды, бұл қоғамдық қауіпсіздік пен азаматтардың тыныштығын қамтамасыз ету барысында туындайтын мәселелерді қарау сапасына да оң әсерін тигізеді.

Жүргізілген тексеру нәтижесінде анықталған жол берілген бұзушылықтар үшін жауапты тұлғалар тәртіптік жазаға тартылды.

 Ақмола облысының прокуратурасы.