Ағымдағы жылдың 27 шілдесінде Ақкөл ауданының полиция кезекші бөліміне Ақкөл қаласы, «Наука-1» саяжай алабы мекенжайында 59 жастағы ер адам сантехникалық жұмыстар жүргізу кезінде қайтыс болғаны туралы медбикенің телефон хабарламасы келіп түсті.
Оқиға орнына Ақкөл ауданының ПБ тергеу-жедел тобы шығып, үйдің ауласында орналасқан Ақкөл қаласы, «Наука-1» саяжай алабы мекенжайы бойынша ені 1,5 метр және тереңдігі 2 метр қазылған траншея қаралды.
27.07.2023 жылы шамамен 16.30 59 жастағы ер адам Ақкөл қаласы, «Наука-1» саяжай алабы мекен-жайындағы үй иесімен ауызша шарт бойынша тереңдіктегі 2 метр су құбырын төсеу үшін траншея қазу жұмыстарын жүргізгені анықталды. Траншеяны тығыздау кезінде жердің жоғарғы бөлігі құлап, нәтижесінде ер адам үйінді астында қалып, алған жарақаттарынан сол жерде қайтыс болды.
Бұл факт ҚР ҚК 156-бабы «Еңбекті қорғау ережелерін бұзу» бойынша СДТБТ-да тіркелген. Астана қ. ССИ-де мәйіттің сот-медициналық сараптамасы тағайындалды.
