«Игі істер автобусы» жобасы аясында Аршалы кентінің агротехникалық колледжі студенттерінің «Ашық жүрек» еріктілері қарт адамдарға көмек көрсетуде.
Биылғы қарлы қыста да олар шетте қалмай «Игі істер автобусы» жобасы аясында еңбек ардагері Н. С. Хазееваға, еңбек ардагері Р. К. Корневойға, зейнеткер Н. П. Лазереваға, еңбек ардагері Н. А. Гренинаға және еңбек ардагері А.М.Жуковскийге үйлерінің маңындағы ауласын қардан тазартып, тәртіпке келтірді.
Айта кету керек, аймақ колледждерінің қызметкерлері мен студенттері «Игі істер автобусы» акциясы аясында тұрақты түрде жалғыз басты қарт адамдарға бақша өнімдерін жинауға, ауланы қардан тазарту, үй жанындағы учаскелерді жинастыруға көмек көрсетеді.
