Мемлекеттік қызмет істері агенттігі Ақмола облысы бойынша департаментінің басты міндеттерінің бірі – көрсетілетін қызметті алушылардың құқықтарын қалпына келтіру және олардың сақталуын қамтамасыз ету.
Осылайша, Департамент 2025 жылдың 1-тоқсанында мемлекеттік көрсетілетін қызметтерге бақылау жүргізу нәтижесінде 3314 бұзушылық анықталып, 315 қызмет алушы құқықтары қалпына келтірілді.
Мысалға, осыған дейін ақпараттық жүйедегі іркілістерге байланысты «Көлік құралының сәйкестендіру нөмірі бойынша көлік құралдарының жекелеген түрлерін мемлекеттік тіркеу, есепке алу және есептен шығару, сондай-ақ көлік құралдарын тіркеу туралы куәліктер мен мемлекеттік тіркеу нөмірі белгілерін беру» қызметін көрсетуден бас тартылған, 187 өтініш иесіне Департаменттің тексеруінен кейін көлік құралдарына мемлекеттік тіркеу жүргізілді.
Департамент тексерісінің нәтижесінде құқықтары бұзылған 87 азаматқа жер қатынастары, сәулет және қала құрылысы салаларында қызметтер көрсетілді.
41 қызмет алушының құқықтары тексеріссіз, проактивті нысанда, ақпараттық жүйелерге қашықтықтан мониторинг жүргізу арқылы қорғалды. Олардың ішінде жобаларының құны 6,5 миллиардтан асатын кәсіпкерлік субъектілері бар.
Қазақстан Республикасы Әкімшілік құқық бұзушылық туралы кодексінің 465-бабы негізінде 5 іс қозғалып, олар 275 240 теңге айыппұл көлемінде қысқартылған тәртіпте өндірілді.
Мемлекеттік көрсетілетін қызмет саласында құқық бұзушылыққа жол бергені үшін тәртіптік жауапкершілікке 16 лауазымды тұлға тартылды, олардың ішінде 9-ы басшы лауазымындағылар .
