10 желтоқсаннан бері саяси партиялардың үгіт-насихат науқанын бақылап жүрмін. Пандемияға байланысты қазір насихат жұмыстарының көбі шағын құрамдағы кездесулер форматында өткізіліп жатыр. Қауіпсіздік үшін дұрыс та шығар.
Есесіне онлайн форматта қызу жүріп жатыр. «Сегіз ұлым бір төбе, Ертөстігім бір төбе» демекші, саяси партиялардың ішінде бұл сайлауға тыңғылықты дайындалып келген «Nur Otan» ғана. Қалғандары сайлауға дейін үнсіз жатып, тықыр таянғанда атауын өзгертіп, популистік ұрандарымен ұпай жинай бастады.
«Nur Otan» праймериз өткізіп, жұмысын жаңғыртты, құрамына сөзі мен ісі салмақты есімдері елге белгілі тұлғаларды қосты. Бір күндік науқан деп атүсті қарамады. Әр өңірдің тұрғындарының ұсыныс-тілектерін тыңдап, сайлауалды бағдарламасын әзірледі.
Көздеген мақсаттары осал емес, қаншама мектеп, балабақша, аурухана, жол, үй саламыз дейді. Сайлау өтер, жеңіске де жетер. Ең бастысы сол уәде етілген жаңа нысандардың салынуын, әсіресе облыстардағы, аудан мен ауылдардағы нысандардың сапалы салынуын, бөлінген қаржының талан-таражға түспей, ел игілігі үшін пайдалануға берілуін қамтамасыз етсе екен.
Оразалина Рысбике
Дәстүрлі әнші, ҚР Мәдениет қайраткері
«Nur Otan» партиясының Ақмола олысы Сайлау қорының қаражатынан төленді
