Орталық директоры Күшбай Бұқановтың айтуынша, Зеренді аумағы туристер үшін тартымды. Әсем табиғатымен және саф ауасымен ерекшеленеді.

«Зеренді өлкесі ну тоғай-орманы, өзен-көлдері, тау жоталарымен әйгілі. Жасыл орманы, хош иісті шөптері және қайын-қарағай сұлулығы көз тартады.  Сол себепті, өңірде туристерге және демалушыларға қолайлы жағдай жасалуда. Орталықтан өңірдегі барлық туристік нысандар мен демалыс орындары туралы ақпарат алуға болады»,-дейді орталық директоры Күшбай Бұқанов.

Айта кетейік, орталық «Көкшетау» мемлекеттік ұлттық табиғи паркінің жанынан ашылды Туристерге кеңес беру орталығы мемлекеттік мекеме болып табылады. Нысан  екі зал және демалыс бөлмелерінен тұрады.  Залдарда жануарлар әлемінің экспонаттары, аңдардың макеттері орыналастырылған. Сонымен бірге, Зеренді аумағында кездесетін әртүрлі гүлдер мен ерекше емдік шөптердің үлгілері қатырылып қойылған.