Ақкөл ауданында стратегиялық маңызы бар жоба жүзеге асырылуда – құны 8,3 млрд теңгені құрайтын 900 басқа арналған жаңа тауарлы сүт ферманың құрылысы жүргізілуде.
Қазіргі уақытта инженерлік желілерді, электр қуатын, кәрізді тарту жұмыстары аяқталды. Екі өндірістік базаның құрылысы жүріп жатыр.
«Еңбек» ЖШС-нің жеке қаражаты есебінен жалпы сомасы 160 млн теңгеге биоқалдықтарды өңдеу және кәдеге жарату бойынша биокешен орнатылды.
Ағымдағы жылдың маусым айында Даниядан ірі қара малдың бірінші партиясы – 272 бас Голштинская тұқымы әкелінді. Екінші партияны 2024 жылдың 4-тоқсанында жеткізу жоспарлануда. Ферманың тиімді жұмыс істеуі үшін неміс өндірісінің жоғары технологиялық жабдықтары сатып алынды.
Ферма органикалық сүт өндіруге бағытталған, жоғары деңгейлі автоматтандырумен және процестерді роботтандырумен жабдықталатын болады. Ферманы биыл іске қосу жоспарлануда.
Анықтама: Жобаны қаржыландыру көздері: «СПК «Көкше» АҚ — 3,1 млрд теңге сомасында жеңілдетілген несие, «Еңбек» ЖШС-нің жеке қаражаты – 5,2 млрд теңге.
