Ақмола облысының мобильді сыбайлас жемқорлыққа қарсы тобы Бұланды ауданының жергілікті атқарушы органдарымен бірлесіп Макинск қаласының тұрғындарына кеңестік-құқықтық көмек көрсету бойынша кездесу өткізді.

Тұрғындар, жер асты суларының су тасқыны салдарынан апатты деп танылған тұрғын үйдің орнына тұрғын үй бөлуге, сондай-ақ сумен жабдықтау және әлеуметтік көмекке қатысты сұрақтар қойды.

Кездесу барысында азаматтарға заңгерлік кеңес беріліп, қолданыстағы заңнама нормаларына сәйкес түсіндіру жұмыстары жүргізілді.

Аталған проблемалық мәселелер аудан әкімдігінің бақылауына алынды, Сыбайлас жемқорлыққа қарсы қызмет олардың орындалуына мониторинг жүргізуді қамтамасыз етеді.