Ақмола облысында жемқорлыққа қарсы іс-қимыл мәселелері жөніндегі ведомствоаралық комиссияның отырысы өтті, оған қала мен аудан әкімдері, өңірдің мемлекеттік органдарының басшылары қатысты.

Отырыс барысында Сыбайлас жемқорлыққа қарсы қызметтің облыстық департаментінің басшысы Асхат Оразхан ауыл шаруашылығы саласындағы сыбайлас жемқорлық тәуекелдеріне жүргізілген сыртқы талдау қорытындыларын баяндады. «Gosagro.kz» платформасында субсидиялаудың мемлекеттік ақпараттық жүйесін пайдалану кезінде анықталған сыбайлас жемқорлық тәуекелдері туралы атап өтті, бұл жүйе субсидияларды әділетсіз бөлу, өтінімдер бойынша қайта субсидиялау, субсидияларды кезектен тыс төлеу, сондай-ақ нормативтік құқықтық актілердегі қайшылықтар мен кәсіпкерлердің құқықтарын бұзу, «Ауыл аманаты» бағдарламасы шеңберінде кредит беру кезіндегі сыбайлас жемқорлық тәуекелдері үшін жағдай жасады.

Сонымен қатар, отырыста Асхат Оразхан «ақшаны бояу» қағидаты бойынша бюджет қаражатын бақылауға мүмкіндік беретін «Цифрлық теңге» жобасын таныстырды.

Бұл жоба Ақмола облысында ауыл шаруашылығы саласында пилоттық режимде іске асырылатын болады – «Ауыл Аманаты» ауыл тұрғындарына кредит беру және кәсіпкерлерге ауыл шаруашылығы техникасын сатып алуға инвестициялық субсидиялар жобасы шеңберінде ӘКК бөлетін бюджет қаражатын қадағалау.

Сонымен қатар, отырыс шеңберінде агроөнеркәсіптік кешенді субсидиялау саласындағы сыбайлас жемқорлық тәуекелдерін жою бойынша қабылданып жатқан шаралар туралы айтылды.

Өз кезегінде облыс әкімі Марат Ахметжанов әкімдіктің жауапты бөлімшелеріне сыбайлас жемқорлық тәуекелдерін сыртқы талдау нәтижелері бойынша анықталған сыбайлас жемқорлық құқық бұзушылықтар жасауға ықпал ететін себептер мен жағдайларды жою бойынша ұсынымдардың сапалы орындалуын қамтамасыз етуді тапсырды.