Аршалы ауданы Арнасай ауылынан 2 шақырым жерде Астана су қоймасында төрт адамның өмірін қиған қайғылы оқиға орын алды.
Төртеуі де бір отбасының мүшелері. 1980 жылы туылған әйел мен 2001 жылы туған қыздың денелерін көрген адамдар алып шыққан. Бүгін таңғы сағат 6-да Ақмола облысы ТЖД Жедел-құтқару жасағының құтқарушылары 1977 және 2000 жылдары туған екі адамның денесін судан алып шықты.
Отбасының өмірін қиған оқиға шомылуға тыйым салынған жерде орын алған. Ақмола облысының ТЖД азаматтарды судағы қауіпсіздік шараларын сақтауға шақырады.
Ерсайын Қойшыбаев. Ақмола облысы ТЖД ресми өкілі.
