Жемқорлықтың алдын алу аясында Сыбайлас жемқорлыққа қарсы іс-қимыл департаменті Сот әкімшілігі департаментімен және облыс соттарының әкімшілерімен семинар өткізді.
Кездесу барысында превенция басқармасы басшысының орынбасары Абай Жаналинов қатысушыларды жемқорлыққа қарсы іс-қимыл мәселелері бойынша заңнамадағы соңғы өзгерістер және Сыбайлас жемқорлыққа қарсы саясат тұжырымдамасының негізгі міндеттері туралы хабардар етті.
Сондай-ақ, спикер Сыбайлас жемқорлық тәуекелдерінің картасы, «Бизнеске жол», «Сыбайлас жемқорлыққа қарсы волонтерлік» жобалары аясында жүргізіліп жатқан жұмыстар туралы айтып берді.
Сонымен қатар, Сот әкімшілігі департаментінің әдеп жөніндегі уәкілі, Көкшетау қаласы Криминалдық полиция басқармасының, сондай-ақ қалалық Төтенше жағдайлар және Мемлекеттік кірістер басқармаларының өкілдері баяндама жасады.
