Оған бюджеттен жетпіс миллиард теңгеден астам қаржы жұмсалды. Жөндеу сапасына және жол-құрылыс материалдарын сараптауға ерекше назар аударылады.

Жалпы, Ақмола облысының автомобиль жолдары және жолаушылар көлігі басқармасы қолданылатын жол-құрылыс материалдарына сараптама жүргізу және облыстық маңызы бар жолдарды жөндеу сапасын бақылау үшін «Жол активтері сапасының Ұлттық Орталығы» РМК өңірлік филиалымен келісімшарт жасады.

Аудандық маңызы бар жөнделетін жолдармен және елді мекендердің көше-жол желілерімен неғұрлым күрделі жағдай. Онда барлық жол-құрылыс нысандары сапаны бақылаумен және материалдарды сараптаумен қамтылмаған. Бұл жолдың сапасының, қызмет ету мерзімінің және пайдалану жағдайының төмендеуіне әкелуі мүмкін.

«Сонымен қатар, жол сапасына теріс әсер етуінен басқа да қауіптер бар. Сондықтан «Жол активтері сапасының Ұлттық Орталығы» РМК Ақмола облысы бойынша филиалы сараптамасы жоқ жөнделетін жолдарға инспекция жүргізеді. Тексерістер облыстық автомобиль жолдары және жолаушылар көлігі басқармасы, жұртшылық пен жергілікті қоғамдастығы өкілдерінің қатысуымен өтеді», — деп түсіндірді «Жол активтері сапасының Ұлттық Орталығы» РМК облыстық филиалының сапаны бақылау және мемлекеттік есепке алу бөлімінің бастығы Игорь Стефан.

Астрахан ауданында бірден үш нысанда сапаны бақылау және материалдардың сараптамасы жоқ. Филиал инженерлері жұртшылық өкілдерімен бірлесіп жол-құрылыс жұмыстарының барысын тексерді.

Мысалы, аудандық маңызы бар «Каменка ауылы – Новочеркасское — Егіндікөл» төрт шақырымдық автомобиль жолына орташа жөндеу жұмыстары биылғы 12 қыркүйекте ғана басталды.

Жөндеу жұмыстары суық қайта құру әдісімен жүргізілсе де, инженерлер жұмыстар ұзаққа созылуға қаупі бар екенін атап өтті. Бұл жол төсемінің сапасына теріс әсер етуі мүмкін. Жамбыл ауылына кіреберіс аудандық маңызы бар автомобиль жолын орташа жөндеу бойынша да осындай жағдай. Онда құрылыс материалдары әкелінеді. Филиал мамандары инертті материал мен цемент сынамаларын алды.

Астрахан ауданының ТҮКШ, автомобиль жолдары және жолаушылар көлігі бөлімінің басшысы Сағынтай Мұхаметжанов түсіндіргендей, биыл су тасқынына қарсы күрес пен ТЖ салдарын жоюға үлкен шығындарға байланысты «Жол активтері сапасының Ұлттық Орталығы» РМК-мен шарт жасасу мүмкін болмады.

Жалпы, барлық жөнделетін жолдар бойынша инженерлер өздерінің ескертулері мен ұсыныстарын айтты.