Ақмола облысында ауыл әкімдері мен бейінді бөлімдердің мамандары үшін жолдарды жөндеу мәселелері бойынша оқыту семинары өткізілді. «Жол активтері сапасының ұлттық орталығы» РМК өңірлік филиалының өкілдері семинарға қатысушыларына жол-құрылыс жұмыстарының негізгі бағыттарын түсіндіріп, саланың өзекті мәселелерін талқылады.

Ақмола облысы бойынша «Жол активтері сапасының ұлттық орталығы» РМК филиалының бөлім бастығы Игорь Стефанмен инженер Абылай Төлеуов Атбасар және Жақсы аудандарының ауыл әкімдерімен кездесті. Олар жол жөндеудің сапа сараптамасы, ведомстволық сараптама, диагностика және паспорттау, «KazRoadLab» бағдарламасының жұмысы сияқты тақырыптарға ақпарат берді. Игорь Стефан атап өткендей, семинар ауылдық округ әкімдері мен жергілікті атқарушы органдардың мамандарына кәсіби дайындық деңгейін арттыруға мүмкіндік береді. Бұл өз кезегінде жергілікті жолдар мен көше-жол желісінің сапасын жақсартуға тиісті.

«Біз ең маңызды тақырыптар бойынша қажетті ақпарат пен түсініктеме береміз. Жергілікті маңызы бар жолдарды және көше-жол желісін жөндеудің өзекті мәселелеріне ерекше назар аударамыз. Әркімнің өздерін қызықтыратын сұрақтарын қоюға мүмкіндігі бар. Оларға толық жауаптар беріледі», — деп атап өтті Игорь Стефан.

Мамандардың кәсіби дайындығы мен біліктілігін арттыруға көп көңіл бөлінуі тиіс, — дейді жол инженерлері. Бұл ауыл әкімдеріне және басқа да жауапты қызметкерлерге жол жөндеу жұмыстарының сапасын жақсартуға мүмкіндік береді. Сондай-ақ, әкімдік мамандары инженерлермен жол жөндеу және одан әрі ынтымақтастықтың барлық аспектілерін талқылады.