Жұма, Наурыз 29, 2024
2.3 C
Kokshetau
2 C
Nur-Sultan
10 C
Almaty
ЖаңалықтарҚоғамМәдениет«Ақмола жұлдыздары-2021» облыстық халық шығармашылығы байқауының гала-концерті өтті

«Ақмола жұлдыздары-2021» облыстық халық шығармашылығы байқауының гала-концерті өтті

Ақмола облысында «Рухани жаңғыру» республикалық бағдарламасы «Рухани қазына» кіші бағдарламасынының «Өңірлік мәдениет, дәстүрлер мен құндылықтар» базалық жобасын жүзеге асыру аясында Қазақстан Республикасы Тәуелсіздігінің 30 жылдығына арналған «Ақмола жұлдыздары-2021» облыстық көркемөнерпаздар халық шығармашылығы байқауының қорытынды гала-концертіп, жүлдегерлер марапатталды.

«Дәстүрлі түрде өткізілетін байқау өңіріміздің мәдени өмірінде өзіндік орны бар ең ірі жоба. Байқау облысымыздың көркемөнерпаз әртістеріне түрлі жанрларда таланттарын көрсетуге, шығармашылық әлеуетін ашуға мүмкіндік береді, сондай-ақ мәдениетті өзара байытудың, қоғамды топтастырудың, ұлттың генетикалық кодын: тілді, руханилықты, дәстүрді және Қазақстан халқының мәдени мұрасын сақтаудың жарқын үлгісі болып табылады», – деді облыстық мәдениет, архивтер және құжаттамалар басқармасының баспасөз қызметіндегілер.

Гала-концерт аясында «Тәуелсіздік – тұғырым» атты шеберлердің үздік туындылары ұсынылған сәндік-қолданбалы шығармашылық көрмесі ұйымдастырылды. Көрермендер қайта жаңғырған халықтық қолөнер бұйымдары мен техникаларына асқан қызығушылық танытты. Көрмеге облысы аудандарының қолөнер шеберлері мен суретшілерінің  200-ден астам туындылары қойылды. Халықаралық, республикалық көрмелердің жүлдегері, Шортанды ауданының құрметті азаматы, суретші, қолөнер шебері Бектас Кәрімұлының қолынан шыққан туындылар көпшіліктің таңданысын тудырды. Сондай-ақ, биыл ғана қала мәртебесін алған. Қосшы қаласының ұлттық аспаптарды жасаушы шебері Нұржан Ділмановтың туындылары да көрермен көзайымына айналды. Бурабай ауданы шеберлері ұсынған ұлттық киім дэфилесі көрмеге айырықша сән берді.

Өңірдің үздік шығармашылық ұжымдары мен орындаушыларының өнері де концерттік бағдарламаға енді. Сахна төрінде өнер көрсеткен «Асыл мұра», «Арай» (Көкшетау) халықтық би ансамбльдері, «Ақбұлақ» (Ерейментау) қобызшылар ансамблі, «Дударай» (Қорғалжын) халықтық фольклорлық ансамблі, «Арт-ложки» (Ақкөл) ансамблі, халықтық балет студиясы (Степногор), «Маленькая леди» (Атбасар) сән театры, ұлттық киімдегі дефиле (Бурабай),  «Родничок» (Атбасар)  би ұжымы тәрізді өнерпаздар көрермен көңілінен шықты. Биылғы жылдың жаңалығын Қосшы қаласынан жас әнші Есет Әлжан мен Ауғантай Иса және Аршалы ауданынан Сүлеймен Олжасұлы деп атауға болады.

Облыстық халық шығармашылығы байқауының аудандық және қалалық гала-концерттерінің қорытындысы бойынша облыстық маңызы бар қалалар, орталықтары қалалар болып табылатын аудандар, орталықтары ауылдар болып табылатын аудандар тәрізді үш топ бойынша жүлделі орындар анықталды.

«Ақмола жұлдыздары-2021» облыстық көркемөнерпаздар байқауында үздік өнер мен шығармашылық жетістіктері үшін Қорғалжын, Жақсы, Есіл, Атбасар аудандары ІІІ дәрежелі дипломмен және бағалы сыйлықпен марапатталды. ІІ дәрежелі дипломмен және бағалы сыйлықпен Целиноград, Егіндікөл, Жарқайың, Ақкөл аудандары мен Қосшы қаласы марапатталды. I-ші дәрежелі дипломмен және бағалы сыйлықпен Зеренді, Бурабай аудандары және Степногор қаласы марапатталды.

Байқаудың бас жүлдесін Ерейментау, Сандықтау аудандары мен Көкшетау қаласы иеленді.

- Жарнама -Newspaper WordPress Theme

Соңғы жаңалықтар

Ақмолада денсаулық сақтау саласындағы 33 ұйымға жемқорлыққа қарсы комплаенс институты енгізілді

Денсаулық сақтау саласындағы 33 ұйымда комплаенс-мамандар жұмыс істейді. Олардың негізгі міндеттері - құқық бұзушылықтардың алдын алу, корпоративтік парасаттылық стандарттарын сақтау және ұйымның іскерлік имиджін...

Ақмола облысында Антикор проблемалық әлеуметтік нысандардың құрылысын сүйемелдеуге алды

Ақмола облысында Сыбайлас жемқорлыққа қарсы іс-қимыл мәселелері жөніндегі ведомствоаралық комиссияның отырысы өтті. Іс-шара барысында облыс әкімі Марат Ахметжанов сыбайлас жемқорлыққа қарсы мәдениетті қалыптастыру қоғамдағы сыбайлас...

«Бала ақын – жас дарын» жас ақындар айтысы өтті

Облыстық халық шығармашылық және мәдени демалыс орталығының ұйымдастыруымен Ерейментау аудандық мәдениет үйінде ақын, әнші, айтыскер, Қазақстанның еңбек сіңірген мәдениет қайраткері Мұса Мырзағұлұлы Асайыновтың 95...

Мәңгі естелік….

2024 жылдың 18 ақпанында қоғам қайраткері, орман шаруашылығы саласының ардагері, Сандықтау ауданының Құрметті азаматы Сабыржанов Шыңғожа Сабыржанұлы өмірден озды. Шыңғожа Сабыржанұлы дарынды басшы, білікті орманшы,...

Арқадағы Амал мерекесі: қызылжарлық өнерпаздар ақмолалық әріптестерімен көрісті

Көкшетауда Амал мерекесіне орай Ақмола және Солтүстік Қазақстан облыстарының мәдениет саласы өкілдерінің «Наурызнама бастауы – көрісу күні» атты мерекелік шарасы өтті, деп хабарлайды Kazinform. 14...