Сыбайлас жемқорлыққа қарсы қызметтің Ақмола облысы бойынша департаментімен бюджеттік бағдарламалардың әкімшілері, білім беру және спорт саласындағы ұйымдардың бухгалтерлері үшін мемлекеттік бюджетті атқару кезіндегі сыбайлас жемқорлық тәуекелдері бойынша семинар өтті.
Департамент басшысының бірінші орынбасары Сағыныш Аяғанова білім және спорт саласындағы сыртқы талдаулардың нәтижелері бойынша анықталған бұзушылықтар мен сыбайлас жемқорлық тәуекелдерін атап өтті.
Спикер кездесуге қатысушылардың назарын еңбекақы төлеу қорымен байланысты бюджет қаражатын игеру кезінде және мемлекеттік сатып алу кезінде сыбайлас жемқорлық тәуекелдеріне аударды.
Ақмола облысы бойынша Қазынашылық департаментінің басшысы Александр Щербак жергілікті бюджеттерді қазынашылық сүйемелдеу рәсімін түсіндірді.
Ақмола облысы бойынша ішкі мемлекеттік аудит департаменті басшысының орынбасары Гүлшат Жапарова орындалмаған жұмыс көлемі үшін бюджет қаражатын жеткізушілерге негізсіз аударуға, бухгалтерлік есеп жүргізуге және төлемдерге байланысты бюджеттік бағдарламалар әкімшілері тарапынан жіберілген бұзушылықтарын айтып берді.
Ақмола облысы бойынша ішкі мемлекеттік аудит департаменті басшысының орынбасары Гүлшат Жапарова өнім берушілерге атқарылмаған жұмыс көлемі үшін бюджет қаражатын негізсіз аударуға, бухгалтерлік есеп жүргізуге және төлемдерге байланысты бюджеттік бағдарлама әкімшілері жол берген бұзушылықтар туралы айтты.
Ағымдағы жылдың 9 айында аудиторлық тексеріс арқылы облыстың 7,8 млрд теңге сомасына мемлекеттік бюджетін атқару кезінде бұзушылықтар анықталды. Оның 6,8 млрд теңгесі — рәсімдік сипаттағы бұзушылықтар. Бұдан басқа, облыста 1,6 млрд теңгеге мемлекеттік сатып алу туралы заңнаманы бұзушылықтар анықталды.
Ақмола облысы бойынша Антикордың превенция басқармасы басшысының орынбасары Абай Жаналинов сыбайлас жемқорлық құқық бұзушылықтар жасауға ықпал ететін себептер мен жағдайларды анықтау үшін қабылданып жатқан алдын алу шаралары туралы хабардар етті.
Семинар қаржы рәсімдерін түсіндіру және мемлекеттік бюджетті атқару кезінде осындай бұзушылықтарды болдырмау мақсатында өткізілді.
