Ақмола облысы бойынша Сыбайлас жемқорлыққа қарсы қызмет департаменті жанынан құрылған мобильдык топ Бурабай ауданының тұрғындарына құқықтық көмек көрсетті.

Мобильдіқ топтың құрамына мемлекеттік органдардың, адвокаттар алқасының, заң консультанттары мен сот орындаушылары палатасының, сондай-ақ нотариаттық палатаның өкілдері кірді.

Кездесу барысында 11 азаматқа заң көмегі көрсетіліп, қолданыстағы заңнама нормаларына сәйкес түсіндіру жұмыстары жүргізілді.

Халықтың негізгі мәселелері тұрғын үй кезектілігіне, көппәтерлі тұрғын үйлерді орталық жылытуға қосуға, су бұру арықтары мен жол белгілерін орнатуға, тұрғын үй мәселелеріне, сондай-ақ аула аумағын абаттандыруға қатысты болды.