Ақмола облыстық дене шынықтыру және спорт басқармасы баспасөз қызметінің дерегінше, онлайн форматта жастар мен балғындар арасында ауыр атлетикадан ҚР Чемпионаты ұйымдастырылды.Төрешілер де қашықтықтан жұмыс істеді.
Жарысқа Атбасар, Степногорск және Көкшетау қалаларынан зіл теміршілер қатысты. Оның ішінде 87 салмақта сынға түскен Карина Құзғынбаева 214 келі (94+120) көтеріп, чемпион атанды. Сонымен бірге, 76 келі салмақта Виктория Новикова – 174 кг (79+95), 96 келі салмақта Александр Сахнов – 250 кг (110+140) және 109 келі салмақта Сергей Палагин – 264 кг (118+146) бағындырып, «қола» жүлдеге ие болды.
