Ақмола облысы бойынша Сыбайлас жемқорлыққа қарсы қызмет департаменті жемқорлық құқық бұзушылықтардың алдын алу мақсатында Қылмыстық-атқару жүйесі департаментінің жеке құрамымен кездесті.
Кездесу барысында ҚАЖД лауазымды адамына қатысты ірі мөлшерде алдау жолымен жасалған алаяқтық фактісі бойынша қылмыстық іс аясында ҚР ҚПК-нің 200-бабының тәртібімен енгізілген ұсыныс қарастырылды.
Құқық бұзушылықтардың болдырмау мақсатында Департамент басшысы Асхат Оразхан қарамағындағылардың қызметіне бақылауды күшейтуді, жемқорлыққа қарсы заңнаманың нормаларын және нормативтік құқықтық актілердің қылмыстық-атқару жүйесі органдарының қызметін реттеуді түсіндіру бойынша тұрақты негізде семинарлар өткізуді, жауапты адамды бекіте отырып, бейнебақылау жүйесімен қосымша жарақтандыруды белгілеуді ұсынды.
Сондай ақ, соңғы бірнеше жылда қылмыстық-құқықтық саладағы заңдылықты арттыру және азаматтардың құқықтарын қорғауды күшейту бойынша бірқатар шаралар қабылданды. Осыған қарамастан, бас бостандығынан айыру орындарындағы азаматтардың құқықтарын сақтау, сондай-ақ құқық қорғау органдары қызметкерлерінің арасында сыбайлас жемқорлық көріністеріне жол бермеу мәселелері бүгінгі күнге дейін өзекті және маңызды болып қалуда. Осы тұрғыда тиісті бақылауды қамтамасыз ете отырып, қылмыстық атқару жүйесінде сыбайлас жемқорлық көріністеріне жол бермеу жөнінде кешенді шаралар қабылдану қажет деп ата өтті.
