Дүйсенбі, Шілде 15, 2024
17.6 C
Kokshetau
19 C
Nur-Sultan
21 C
Almaty
ЖаңалықтарҚоғамАвтожолдарды қысқы күтіп-ұстау бақылауда

Автожолдарды қысқы күтіп-ұстау бақылауда

Автомобиль жолдарын қысқы ұстау бақылауда. Биыл өңірде алғаш рет көктайғайққа қарсы және инерттік материалдардың сынақтары өткізілді. Жалпы, «Жол активтерінің Ұлттық сапа Орталығы» РМК филиалының мамандары қысқы кезеңде автожолдарды күтіп ұстаудың барлық бағыттары бойынша кешенді іс-шараларды жүзеге асырады. Жолшылар автожолдарды қысқы күтіп ұстау сапасын бақылайды, проблемалық учаскелерге шығулар, жолдарды күзгі тексеруді жүргізеді.

Өткен демалыс күндері өңір аумағында ауа райы жағдайы нашарлап, жауын-шашын, қатты жел, көктайғақ құбылыстары орын алды. Сондықтан филиал мамандары облыстың автожолдарындағы жол мен жол жабынының жағдайын бақылау бойынша бірқатар іс-шаралар өткізді. Жыл басынан бері республикалық және облыстық маңызы бар автомобиль жолдарының учаскелеріне тексерістік шығу жүргізді. Жол жабынын қардан мен мұздан тазарту жұмыстарын жүргізу сапасы, жол белгілерінің жай-күйі, тайғаққа қарсы материалдарды себу және басқа параметрлері тексерілді.

«Автожолдардың қалын қар басатын учаскелері, жол жиектері тексерілді. Өйткені дәл қыс мезгілінде жол жамылғысында ақаулар пайда болуы мүмкін, бұл жол қозғалысының қауіпсіздігіне кедергі келтіреді. Тексеру кезінде доңғалақты арқалықтың қармен бітелгені, жол белгісі деформацияланғаны, жол белгісі болмағаны анықталды. Барлық ескертулер тіркеліп, нұсқамалар қысқа мерзімде жойылуы үшін жауапты жол ұйымына жіберіледі», – деп түсіндірді филиал инженері Жанат Салықов.

Республикалық және облыстық маңызы бар автожолдардың сапасын бақылау және қысқы күтіп ұстау талаптарының сақталуы бойынша іс-шаралар жалғастырылатын болады. Жолшылар аймақ тұрғындары мен жүргізушілерге ауа-райы нашарлаған, қалың қар жауған, тұман мен көктайғақ кезінде алыс сапарлаға және шұғыл қажеттіліксіз елді мекендерден тыс жерлерге шықпау жөн екенің еске салады.

«Автожолдарда жүрген кезде ауа райы жағдайлары мен жол жабынының жағдайын ескере отырып, жол қозғалысының барлық ережелерін сақтауды сұраймыз. Сондай-ақ, сапар алдында сіздің автомобиль және оның аспаптары дұрыс жұмыс істейтінің тексеріп алу қажет. Бұл жол қауіпсіздігіне де әсер етеді. Бірақ ауа-райы нашар болған кезде автомобиль жолдарында жүруден аулақ болған жөн. Жолдарда абай болуларыңызды сұраймыз», – деп шақырды Жанат Салықов.

- Жарнама -Newspaper WordPress Theme

Соңғы жаңалықтар

Щучье-Бурабай курорттық аймағын дамыту жөніндегі кеңес: өзекті мәселелер мен шешімдер

Ақмола облысының әкімі Марат Ахметжановтың төрағалығымен өткен Щучье-Бурабай курорттық аймағын дамыту мәселелері жөніндегі жұмыс кеңесіне ҚР Президенті Іс Басқармасының, туризм, экономика, көлік және экология...

Ерікті мемлекеттік қызметшілер қоғамдық орындарды тазарту және абаттандыру жұмыстарына қатысты

А.ж. 11 шілдеде «Таза Қазақстан» республикалық акциясы аясында ҚР Мемлекеттік қызмет істері агенттігінің Ақмола облысы бойынша департаментінің қызметкерлері, Департамент жанындағы «Еріктілер кеңесінің» мемлекеттік қызметші-еріктілері,...

Ақмола облысында cот әкімшілеріне сыбайлас жемқорлық үшін жауапкершілік түсіндірілді

Жемқорлықтың алдын алу аясында Сыбайлас жемқорлыққа қарсы іс-қимыл департаменті Сот әкімшілігі департаментімен және облыс соттарының әкімшілерімен семинар өткізді. Кездесу барысында превенция басқармасы басшысының орынбасары Абай...

Мемлекеттік қызметтегі өзекті кадрлық мәселелер талқыланды

ҚР Мемлекеттік қызмет істері агенттігінің Ақмола облысы бойынша департаментінің өкілдері облысымыздың жергілікті атқарушы органдарының персоналды басқару қызметі өкілдеріне арналған семинар өткізді. Семинарда Департаменттің мемлекеттік қызмет...

Университет түлектері мемлекеттік қызметке шақырылды

ҚР Мемлекеттік қызмет істері агенттігінің Ақмола облысы бойынша департаменті мен жоғары оқу орындары арасында жасалған өзара ынтымақтастық туралы меморандум аясында Департамент басшысы Думан Әбілев...