Айдарлар

    Қазақстандықтар мінген 3 автобус Киевтен жолға шықты

    Киевтен қазақстандықтар мінген 3 автобус жолға шықты, деп хабарлайды ҚазАқпарат тілшісі.

    «Бүгін Қазақстан Республикасының Украинадағы Елшілігінің ұйымдастыруымен азаматтарымыз мінген тағы 3 автобус Киевтен Львовқа жолға шықты» делінген елшілік таратқан ақпаратта.

    Айта кетейік, 1 наурыз күні Алматының халықаралық әуежайына «Air Astana» әуе компаниясының Airbus A321 ұшағы Украинадан эвакуацияланған Қазақстан азаматтарының алғашқы тобын алып келді. Украинадан эвакуацияланған қазақстандықтар мінген екінші рейс кеше кешкісін Нұр-Сұлтанға қонды. Олар Польшаның Катовице қаласынан Атырауға, одан әрі ел астанасына жетті. Бортта 120 ересек және 4 бала бар.

    Қазақстанның Украинадағы елшісінің кеңесшісі Сергей Коноваловтың мәліметінше, Украинадан отанына оралғысы келетін қазақстандықтардың саны күн санап артып жатыр.

    «Жуырда ғана 600 адам эвакуацияға өтініш берді. Осылайша біздің консулдықтың есебінде 1,5 мың адам тұр. Қазақстанның Украинадағы елшілігі істің соңына дейін болады. Әзірге мүмкіндік бар кезде азаматтарымызды аталған елден эвакуациялаймыз», – деді Сергей Коновалов тілшілерге берген сұхбатында.

    Жаңалықтардан хабардар болыңыз

    KOKSHEINFORM-нан күнделікті электрондық хаттарды алыңыз, бұл жаңалықтарды оқуды шынымен жағымды етеді. Тегін хабардар болу үшін біздің тарату тізіміне қосылыңыз.

    Соңғы жаңалықтар

    - Жарнама - spot_img

    Сізге қызықты болуы мүмкін...