Ақмола облысында облыс әкімі Марат Ахметжановтың төрағалығымен барлық деңгейдегі әкімдердің қатысуымен семинар-кеңесі өтті.
Семинар-кеңестің бағдарламасына сәйкес әкімдердің жұмысына қатысты көптеген өзекті мәселелер талқыланды.
Жиын барысында ҚР Мемлекеттік қызмет істері агенттігінің Ақмола облысы бойынша департаментінің мемлекеттік қызмет басқармасының басшысы Райхан Братаева мемлекеттік аппаратты кәсібилендіру шаралары, сонымен қатар қолданыстағы заңнамаға енгізілген өзгерістер мен олардың нәтижелері туралы баяндама жасады.
Сонымен қатар іс-шарада Департаменттің мемлекеттік қызметтерді көрсету басқармасының басшысы Нұрсұлтан Шытырымбек мемлекеттік қызметтерді көрсету сапасын арттыру бағытында проблемалық мәселелер мен оларды шешу жолдары туралы баяндады.
