Ақмола облыстық дене шынықтыру және спорт басқармасы баспасөз қызметінің мәліметінше, Бурабай ауданындағы «Оқжетпес» тауында құзға өрмелеуден 3-ші республикалық «Бурабай-2022» фестивалі өтті.
Шараға 300-ге жуық кәсіби спортшылар мен әуесқойлар қатысып, құзға өрмелеуден сынға түсті. Сонымен бірге, жарысқа алғаш рет қатысқандар да болды.
«Бурабай-2022» фестивалінің басты мақсаты – Қазақстанда альпинизм мен бұқаралық спортты дамыту. Сонымен қатар, іс-шара ішкі туризмді насихаттауға бағытталған.
Салтанатты ашылу рәсіміне мәдениет және спорт министрі Дәурен Абаев қатысты.
