Жексенбі, Шілде 14, 2024
19.9 C
Kokshetau
16 C
Nur-Sultan
16 C
Almaty
ЖаңалықтарҚоғамМемлекеттік қызметДипломмен ауылға: 52 жас мемлекеттік қызметшіге көтерме жәрдемақы төленді

Дипломмен ауылға: 52 жас мемлекеттік қызметшіге көтерме жәрдемақы төленді

Бүгінгі таңда әлеуметтік қолдау шараларын көрсету аудандық және ауылдық жерлерге жас мамандарды тартудың тиімді құралы болып қала береді.

Ауылдық жерге жұмыс істеуге және тұруға келген мемлекеттік қызметшілерге көтерме жәрдемақы және тұрғын үй сатып алуға немесе салуға бюджеттік кредит түрінде әлеуметтік қолдау шаралары көрсетіледі.

Көтерме жәрдемақы 100 айлық есептік көрсеткіш мөлшерінде, ал тұрғын үй сатып алуға немесе салуға бюджеттік кредит – 1500 айлық есептік көрсеткішке дейінгі мөлшерде он бес жылға дейінгі мерзімге 0,01% мөлшерінде жылдық сыйақы мөлшерлемесі бойынша беріледі.

Әлеуметтік қолдаудың қосымша шаралары басшылық лауазымдарды атқаратын адамдарға қолданылмайтынын атап өткен жөн. Бұл шаралар E-G-3, E-G-4 санаттарындағы мемлекеттік қызметтің бас және жетекші мамандары үшін қарастырылған.

Соңғы үш жылда Ақмола облысында 52 мемлекеттік қызметшіге әлеуметтік қолдау шаралары көрсетілді. Атап айтқанда, тұрғын үй салу немесе сатып алу үшін 14 мемлекеттік қызметшіге 64 004 000 теңге мөлшерінде бюджеттік кредит, 46 мемлекеттік қызметшіге – 15 202 000 теңге мөлшерінде көтерме жәрдемақы төленді.

Бұдан басқа, мемлекеттік қызмет саласындағы заңнамада мемлекеттік қызметшілерді «Тұрғын үй қатынастары туралы» ҚР Заңында және өзге де заңнамада айқындалатын тәртіппен тұрғын үймен қамтамасыз ету, тұрғын үй жағдайларын жақсартуға мұқтаж қызметшілерге жеке тұрғын үй құрылысы үшін жер учаскелерін беру, белгіленген тәртіппен мемлекеттік денсаулық сақтау мекемелерінде медициналық қызметтер алу мүмкіндіктері көзделген. Сондай-ақ, мемлекеттік қызметшілерге штат кестесі қысқартылған, мемлекеттік орган таратылған жағдайда жұмыстан шығу жәрдемақысын төлеу, қайта ұйымдастырылған жағдайда басқа да тең дәрежелі лауазым беру, ал тең дәрежелі лауазым болмаған жағдайда – өзге де мемлекеттік лауазым ұсыну көзделген.

ҚР Мемлекеттік қызмет істері агенттігінің Ақмола облысы бойынша департаменті

- Жарнама -Newspaper WordPress Theme

Соңғы жаңалықтар

Ерікті мемлекеттік қызметшілер қоғамдық орындарды тазарту және абаттандыру жұмыстарына қатысты

А.ж. 11 шілдеде «Таза Қазақстан» республикалық акциясы аясында ҚР Мемлекеттік қызмет істері агенттігінің Ақмола облысы бойынша департаментінің қызметкерлері, Департамент жанындағы «Еріктілер кеңесінің» мемлекеттік қызметші-еріктілері,...

Ақмола облысында cот әкімшілеріне сыбайлас жемқорлық үшін жауапкершілік түсіндірілді

Жемқорлықтың алдын алу аясында Сыбайлас жемқорлыққа қарсы іс-қимыл департаменті Сот әкімшілігі департаментімен және облыс соттарының әкімшілерімен семинар өткізді. Кездесу барысында превенция басқармасы басшысының орынбасары Абай...

Мемлекеттік қызметтегі өзекті кадрлық мәселелер талқыланды

ҚР Мемлекеттік қызмет істері агенттігінің Ақмола облысы бойынша департаментінің өкілдері облысымыздың жергілікті атқарушы органдарының персоналды басқару қызметі өкілдеріне арналған семинар өткізді. Семинарда Департаменттің мемлекеттік қызмет...

Университет түлектері мемлекеттік қызметке шақырылды

ҚР Мемлекеттік қызмет істері агенттігінің Ақмола облысы бойынша департаменті мен жоғары оқу орындары арасында жасалған өзара ынтымақтастық туралы меморандум аясында Департамент басшысы Думан Әбілев...

Мемлекеттік аппаратты кәсібилендірудегі жаңа тәсілдер

Мемлекеттік қызметшілердің парызы - халыққа бағдарланған мемлекеттік аппараттың тиімді жұмысын қамтамасыз етуде біртұтас механизм іспетті қызмет ету. Осынау жауапты қызметті абыроймен атқарып, ел үмітін...