Сәрсенбі, Маусым 19, 2024
14.2 C
Kokshetau
14 C
Nur-Sultan
19 C
Almaty
ЖаңалықтарӨңірлерЦелиноградЕңбек ұжымдары әрқашан партияның назарында

Еңбек ұжымдары әрқашан партияның назарында

«Nur Otan» партиясының республикалық сайлауалды штабы үгіт-насихат жұмыстары аясында Ақмола облысы, Целиноград ауданы Қосшы ауылында ұйымдастырылған үгіт-насихат кездесуінен кейін аудан орталығындағы Ақмол ауылында орналасқан «Capital Projects LTD» ЖШС («Шаңырақ» БК») құс фабрикасының еңбек ұжымымен кездесу болды.

«Nur Otan» партиясы өңірде үгіт-насихат жұмыстарын қарқынды жүргізіп жатыр. Партия атынан сайланатын кандидаттар мен олардың сенімді өкілдері аудандағы әр салада еңбек ұжымдарындағы сайлаушыларымен кездесулер ұйымдастыруда. Осы орайда Целиноград ауданына «Nur Otan» партиясының республикалық сайлауалды штабы мүшесі, Ақмола облысы көпбейінді аурухананың даму стратегия қызметі жөніндігі басшысы Серік Әкпенұлы Аяғанов үгіт-насихат жұмысы аясында Ақмол ауылында да болды.

Целиноград ауданы орталығы Ақмол ауылындағы аталмыш «Capital Projects LTD» ЖШС-нің басты бағыты құс өсіру, инкубациялау, құстарға арналған қоректі даярлау және құс өнімдерін шығару болып табылады. Құс өнімдерін өндіру және оны өңдеп сатумен айналысатын ұжым ел экономикасына елеулі табыс келтіріп отырған бірегей ұжымдардың бірі деседе болады. Кәсіпорын үй құстарының жұмыртқасы мен етін дайындау және оны нарықта сатумен айналысады. Өңірдегі іргелі Кәсіпорынның жұмысшылармен кездескен Серік Әкпенұлы Аяғанов шаруашылықтың даму көрсеткіштеріне жоғары бағасын берді.

«Capital Projects LTD» ЖШС («Шаңырақ» БК») құс фабрикасы елордадан 30 шақырым қашықтықта орналасқан. Бұл дегеніңіз Нұр-Сұлтан қаласының азық-түлік белдеуінің құрамдас бір бөлігі болып табылатындығы. Кәсіпорынның бір ауысымында 20-25 тонна құс еті өндіріледі. «Capital Projects Ltd» ЖШС директоры Максим Божко. Бұл жерде Германиядан әкелінген электронды құрылғылар орнатылған. Ақмола облысы бойынша аталған кәсіпорын құс еті мен жұмыртқа өндірісіндегі ірі экспорттаушылардың қатарында.

Үгіт-насихат кездесу кезінде Серік Әкпенұлы Аяғанов еңбек ұжымын «Nur Otan» партиясының сайлауалды бағдарламасымен таныстырып, ауданның даму болашағы туралы кеңінен баяндап, 10 қаңтарда өтетін сайлауға келіп, қолдау көрсетуге шақырды. Сонымен қатар еңбек ұжымдары әрқашан партияның назарында екендігін партияның алға қойған міндеттері халықтың әл-ауқатын жақсартуға бағытталғанын айтты. Осы орайда «Nur Otan» партиясының сайлауалды бағдарламасында барлық саланы қамтамасыз ету міндеттері қойылып отыр. Әлеуметтік салаларға қатысты өзекті мәселелер «Nur Otan» партиясының назарынан да тыс қалмайтынын Серік Әкпенұлы да ерекше атап өтті.

Бағдарламада белгіленген 7 бағыттың жүзеге асырылуы жолында Целиноград аудандық маслихат депутаттығына кандидат, «Шаңырақ» басқару компаниясы» ЖШС-нің стратегиялық және заң мәселесі жөніндегі директоры Индира Сабырқызы Саденова «Nur Otan» партиясы тарапынан атқарылатын жұмыстар сан алуан екендігін ескеріп өтті. Өз кезегінде облыстық маслихат депутаттығына кандидат Сайра Әйтенқызы Матайбаева және аудандық маслихат депутаттығына кандидат Болатбек Мұхтарұлы Ибраев еңбек ұжымының толғандыратын мәселелелерінің шешімі де осы айқындалған сайлауалды бағдарламада белгіленгенін айрықша атап өтті.

«Nur Otan» партиясының өңірлерді дамытуға бағытталған 7 басымдылығына да экономикалық тұрақты аймақ; жайлы аймақ; әлеуметтік бағыттағы аймақ; жастарға аймақ; тарихы мен мәдениеті бай аймақ; ашық және есеп беретін жергілікті органдар; қауіпсіз аймақ бағыттары аясында алдағы жылдары нәтижелі жұмыстар күтіп тұрғанын ескерген Серік Әкпенұлы Аяғанов Целиноград ауданында ұйымдастырылған кездесу соңында еңбек ұжымын бірауыздан 10 қаңтар күні болатын сайлауға қатысуға және де «Nur Otan» партиясына дауыс беруге шақырды. Бұдан әрі жоспарға сәйкес Қорғалжын ауданына жол тартты. Бүгінде келелі кездесулермен, іс-шаралар өңірде қызу жүріп жатыр.

«Nur Otan» партиясы Ақмола облысы Целиноград ауданы сайлауалды қорының қаражатынан төленді.

- Жарнама -Newspaper WordPress Theme

Соңғы жаңалықтар

Ақмола облысының су айдындарында 2 өлім тіркелді

Соңғы үш жылда шомылу кезеңінде облыс су айдындарында жазатайым оқиғалар кезінде 51 адам қаза тапты, оның 19-ы – балалар. Ақмола облысында шомылу маусымы басталғаннан бері...

Жолдың сапасы бақылауда

Биыл Ақмола облысында жолдарды салу және жөндеу бойынша 120 жоба іске асырылады деп жоспарлануда. Аймақтың көлік инфрақұрылымын жақсарту бастамаларына 60 миллиард теңгеге жуық қаражат...

Көлік инфрақұрылымын жақсарту жұмыстары қарқынды

Биыл Ақмола облысында жүздеген шақырым автомобиль жолдары жөнделеді. Қазір Республикалық маңызы бар магистральдардағы жол төсемі қарқынды жаңартылуда. Олардың біршама бөлігі ұзақ уақыт бойы жөндеуді...

Автомобиль жолдарын тазарту жұмыстары жүргізілуде

Ақмола облысындағы республикалық жолдардың бойында бес мың текше метрден астам қоқыс жиналды. Соңғы уақытта жол жиектері тазаланып, жол бойындағы сервис объектілері ретке келтірілді. Өңірде республикалық...

SCAT әуе компаниясының Boeing-735 ұшағы Көкшетауға қатынамақшы

Ақмола облысы Туризм басқармасының мәліметінше, жолаушылардың көбеюіне байланысты SCAT әуе компаниясы 17 маусым мен 31 тамыз аралығында Ақтау мен Шымкент қалаларына қатынайтын рейстерге жолаушылар...