Жексенбі, Шілде 14, 2024
19.9 C
Kokshetau
16 C
Nur-Sultan
16 C
Almaty
ЖаңалықтарҚоғамМемлекеттік қызметІссапар шығындарының және еңбек демалысы ақысының уақытылы төленбеу фактілері анықталды

Іссапар шығындарының және еңбек демалысы ақысының уақытылы төленбеу фактілері анықталды

Бұл туралы бүгін Өңірлік коммуникациялар қызметі алаңында өткен брифинг барысында ҚР Мемлекеттік қызмет істері агенттігінің Ақмола облысы бойынша департаментінің басшысы Думан Әбілев мәлімдеді.

2024 жылдың І жартыжылдығы ішінде Әдеп жөніндегі кеңес отырыстарында 20 мәселе қаралды, оның ішінде 3 мәселе мемлекеттік қызметшілерге қатысты тәртіптік істер, ал 17 мәселе профилактикалық сипаттағы тақырыптар. Тәртіптік істерді қарау нәтижесінде уәкілетті тұлғаларға тәртіптік жауапкершілікке тарту туралы ұсынымдар жіберіліп, кінәлі тұлғалар жауапқа тартылды.

«Мәселен, Зеренді ауданы әкімінің орынбасары қызметтік автокөлікті мас күйінде басқарғаны үшін атқарған қызметінен босатылды, ал Бурабай кентінің әкіміне сметалық құжаттамада көзделмеген қосымша жұмыстарды жүргізу туралы негізсіз талаптар үшін қатаң сөгіс жарияланды. Бұдан басқа, Қоянды ауылының әкімі мемлекеттік сатып алу туралы шарт бойынша жұмыстардың нақты орындалуынсыз оларға мерзімінен бұрын ақы төлегені үшін «Қызметіне толық сәйкес еместігі туралы ескерту» түрінде тәртіптік жауапкершілікке тартылды» – дейді спикер.

Әдеп жөніндегі кеңес отырыстарында қолданыстағы заңнама талаптарының сақталуына жүргізілген талдау қорытындылары бойынша анықталған құқық бұзушылық фактілері қаралды. Мысалға, мемлекеттік қызметшілерге 243 700 теңге мөлшерінде қызметтік іссапар шығыстарын уақтылы төлемеудің 95 фактісі және мүлде төлемеудің 8 фактісі анықталды. Департаменттің араласуынан кейін аталған төлемдер толық мөлшерде жүргізілді.

Бұдан басқа, спикердің айтуынша, бірқатар мемлекеттік органдарда іссапар шығыстарын уақтылы төлемеу фактілері, кейбір мемлекеттік органдарда жыл сайынғы еңбек демалыстарына уақтылы ақы төлемеудің 33 фактісі анықталды. Талдау қорытындысы бойынша және Әдеп жөніндегі кеңестің ұсынымы негізінде 41 қызметшіге жалпы сомасы 400 мың теңгеге іссапар шығыстарының тиесілі сомасы және еңбек демалысын уақтылы төлемегені үшін өсімпұл төленді. Нәтижесінде Әдеп жөніндегі кеңес шығарған ұсынымдар негізінде 6 мемлекеттік қызметші тәртіптік жауапкершілікке тартылды.

Сондай-ақ 2023 жылы және 2024 жылдың бірінші тоқсанында мемлекеттік қызметшілерге сыйақы төлеу тәжірибесіне талдау жүргізіліп, нәтижесінде 1 839 747 теңгеге сыйақыларды заңсыз төлеудің 15 фактісі анықталды. Негізсіз төленген сыйақы сомаларын қайтару бойынша жұмыс жүргізілді.

Бүгінгі таңда әдеп бұзу фактілерінің, оның ішінде мемлекеттік қызметтің беделіне нұқсан келтіретін тәртіптік теріс қылықтардың алдын алу, мемлекеттік қызметшілердің қызметтік әдепті сақтаудағы жауапкершілік деңгейін арттыруды қамтамасыз ету жөніндегі шаралар қабылдау – Департамент жұмысының негізгі бағыттарының бірі болып табылады.

Жазира Сейтмағанбетова, ҚР Мемлекеттік қызмет істері агенттігінің Ақмола облысы бойынша департаментінің ресми өкілі

- Жарнама -Newspaper WordPress Theme

Соңғы жаңалықтар

Ерікті мемлекеттік қызметшілер қоғамдық орындарды тазарту және абаттандыру жұмыстарына қатысты

А.ж. 11 шілдеде «Таза Қазақстан» республикалық акциясы аясында ҚР Мемлекеттік қызмет істері агенттігінің Ақмола облысы бойынша департаментінің қызметкерлері, Департамент жанындағы «Еріктілер кеңесінің» мемлекеттік қызметші-еріктілері,...

Ақмола облысында cот әкімшілеріне сыбайлас жемқорлық үшін жауапкершілік түсіндірілді

Жемқорлықтың алдын алу аясында Сыбайлас жемқорлыққа қарсы іс-қимыл департаменті Сот әкімшілігі департаментімен және облыс соттарының әкімшілерімен семинар өткізді. Кездесу барысында превенция басқармасы басшысының орынбасары Абай...

Мемлекеттік қызметтегі өзекті кадрлық мәселелер талқыланды

ҚР Мемлекеттік қызмет істері агенттігінің Ақмола облысы бойынша департаментінің өкілдері облысымыздың жергілікті атқарушы органдарының персоналды басқару қызметі өкілдеріне арналған семинар өткізді. Семинарда Департаменттің мемлекеттік қызмет...

Университет түлектері мемлекеттік қызметке шақырылды

ҚР Мемлекеттік қызмет істері агенттігінің Ақмола облысы бойынша департаменті мен жоғары оқу орындары арасында жасалған өзара ынтымақтастық туралы меморандум аясында Департамент басшысы Думан Әбілев...

Мемлекеттік аппаратты кәсібилендірудегі жаңа тәсілдер

Мемлекеттік қызметшілердің парызы - халыққа бағдарланған мемлекеттік аппараттың тиімді жұмысын қамтамасыз етуде біртұтас механизм іспетті қызмет ету. Осынау жауапты қызметті абыроймен атқарып, ел үмітін...