Өткен тәулікте Ақмола полицейлері мемлекетаралық іздеуде жүрген үш қылмыскердің орналасқан жерін анықтады. Қатысушылардың бірін Ресей Федерациясының Челябі облысы бойынша ФҚҚ қызметкерлері РФ Қылмыстық кодексі 322-бабының 2-бөлігі «Ресей Федерациясының Мемлекеттік шекарасын заңсыз кесіп өту» бойынша қылмыстық құқық бұзушылық жасағаны үшін іздеді және оны Көкшетау қаласының аумағында полиция қызметкерлері анықтады.
Ақмола облысының тумасы, басқа қылмыскердің орналасқан жерін полицейлер жедел-іздестіру іс-шараларын жүргізу кезінде Жарқайың ауданының аумағында анықтады.
Ұсталған адам бұрын денсаулығына қасақана ауыр зиян келтіргені үшін сотталған (ҚР ҚК 106-бабы 1-бөлігі) . Сот қаулысына сәйкес ол қалған мерзімге шартты түрде мерзімінен бұрын босатылды, алайда тұрғылықты жері бойынша белгіленуге келмей Астана қаласына кетіп қалғандықтан, іздестіруге жарияланды. Қазіргі уақытта ұсталған адам уақытша ұстау изоляторына қамалды.
Сонымен қатар, Степногорск аумағында полицейлер ҚР ҚК 190-бабының 3-бөлігі «Алаяқтық» бойынша мемлекетаралық іздеуде тұрған қылмыскердің орналасқан жерін анықтады.
