«Көкшетау» мәдениет сарайының шығармашылық ұжымдарының мобильдік тобы Қазақстандағы жұмысшы мамандықтар жылын мерекелеу аясында «Көкшетау минералды сулары» АҚ-да концерт берді.
Шара барысында кәсіпқойлығы мен өңірдің дамуына қосқан үлесі үшін кәсіпорынның жекелеген қызметкерлері «Көкшетау минералды сулары» АҚ директоры Досымжан Кенжешовтың атынан алғыс хаттармен марапатталды. Марапаттау рәсімін «Он алты қыз» халықтық би ансамблінің қатысушылары өткізді.
Концерттік бағдарламаға Республикалық және Халықаралық байқаулардың лауреаттары қатысты: «Көкшетау» халықтық би ансамблі — жетекшісі «Мәдениет қайраткері» Мадина Тлеулина, «Сувенир» халықтық би ансамблі — жетекшісі Маргарита Авдеенко, «Тұмар» халықтық заманауи би ансамблі — жетекшісі Томирис Жанспаева, Қазақстан Республикасының еңбек сіңірген әртісі, ҚР және Көкшетау қаласының құрметті азаматы Бисара Макенова, «Кербез сұлу» халықтық фольклорлық ансамблінің солистері Бауыржан Балтин, Нұрдәулет Селухан, Төлеген Аманов — жетекшісі Әлизат Дүзелбай, «Шамшырақ» эстрадалық вокал студиясының солистері Вячеслав Волков, Ерқанат Ербосынұлы — жетекшісі Ақниет Абдулла, «Жұлдыз» үлгілі вокал студиясының солисі Рауан Бағдатов — жетекшісі Айымгүл Хасенова, вокал студияның солисі Ержас Аязбай — жетекшісі Асемгуль Мухамеджанова.
Іс-шараны Амина Қайратова және Бейбіт Кешу жүргізді.
