Жексенбі, Шілде 14, 2024
19.9 C
Kokshetau
16 C
Nur-Sultan
16 C
Almaty
ЖаңалықтарЖемқорлықКөкшетауда халықты әлеуметтік қорғау және еңбек қатынастары мәселелері бойынша азаматтарды қабылдау өтті

Көкшетауда халықты әлеуметтік қорғау және еңбек қатынастары мәселелері бойынша азаматтарды қабылдау өтті

«Адал көмек» құқықтық сауаттылықты арттыру жобасы аясында Ақмола облысы бойынша Сыбайлас жемқорлыққа қарсы іс-қимыл департаменті халықты әлеуметтік қорғау, жұмыспен қамту және еңбек қатынастары мәселелері бойынша азаматтарды қабылдауды және оларға кеңес беруді ұйымдастырды.

Қабылдау барысында азаматтар облыстық Жұмыспен қамтуды және әлеуметтік бағдарламаларды үйлестіру басқармасының, Еңбек инспекциясы басқармасының, Көкшетау қаласының жұмыспен қамту, әлеуметтік бағдарламалар және азаматтық хал актілерін тіркеу бөлімінің, Көкшетау қаласының халықты жұмыспен қамту орталығының басшылығына тікелей жүгіне алды.

Өтініштер жұмысқа орналасу, атаулы әлеуметтік көмек көрсету, санаторий-курорттық ем алу, демалыс беру, материалдық көмек көрсету, неке-отбасы қатынастарын реттеу және басқа да мәселелерге қатысты болды.

Мәселен, қаланың Жұмыспен қамту, әлеуметтік бағдарламалар және АХАТ бөлімімен санаторий-курорттық ем алуға өтініш білдірген азаматтың мәселесі оң шешімін тапты, ал Халықты жұмыспен қамту орталығы қабылдау барысында өтініш білдірген өңірдің екі жұмыссыз тұрғынына жұмысқа орналасуға жәрдем көрсететін болады.

Іс-шара қорытындысы бойынша мемлекеттік органдар басшылығы келіп түскен барлық сұрақтарға тиісті түсініктемелер берді.

Естеріңізге сала кетейік, «Адал көмек» жобасы халықтың әлеуметтік қорғалмаған топтарына тегін заң көмегін көрсетуге бағытталған. Осы жоба шеңберінде азаматтарды қабылдау және оларға кеңес беру өңірдің әлеуметтік нысандары базасында айына екі рет жүргізіледі. Анонстар сыбайлас жемқорлыққа қарсы іс-қимыл департаментінің ресми сайтында, БАҚ және әлеуметтік желілерде орналастырылады.

- Жарнама -Newspaper WordPress Theme

Соңғы жаңалықтар

Ерікті мемлекеттік қызметшілер қоғамдық орындарды тазарту және абаттандыру жұмыстарына қатысты

А.ж. 11 шілдеде «Таза Қазақстан» республикалық акциясы аясында ҚР Мемлекеттік қызмет істері агенттігінің Ақмола облысы бойынша департаментінің қызметкерлері, Департамент жанындағы «Еріктілер кеңесінің» мемлекеттік қызметші-еріктілері,...

Ақмола облысында cот әкімшілеріне сыбайлас жемқорлық үшін жауапкершілік түсіндірілді

Жемқорлықтың алдын алу аясында Сыбайлас жемқорлыққа қарсы іс-қимыл департаменті Сот әкімшілігі департаментімен және облыс соттарының әкімшілерімен семинар өткізді. Кездесу барысында превенция басқармасы басшысының орынбасары Абай...

Мемлекеттік қызметтегі өзекті кадрлық мәселелер талқыланды

ҚР Мемлекеттік қызмет істері агенттігінің Ақмола облысы бойынша департаментінің өкілдері облысымыздың жергілікті атқарушы органдарының персоналды басқару қызметі өкілдеріне арналған семинар өткізді. Семинарда Департаменттің мемлекеттік қызмет...

Университет түлектері мемлекеттік қызметке шақырылды

ҚР Мемлекеттік қызмет істері агенттігінің Ақмола облысы бойынша департаменті мен жоғары оқу орындары арасында жасалған өзара ынтымақтастық туралы меморандум аясында Департамент басшысы Думан Әбілев...

Мемлекеттік аппаратты кәсібилендірудегі жаңа тәсілдер

Мемлекеттік қызметшілердің парызы - халыққа бағдарланған мемлекеттік аппараттың тиімді жұмысын қамтамасыз етуде біртұтас механизм іспетті қызмет ету. Осынау жауапты қызметті абыроймен атқарып, ел үмітін...