Биыл Ақмола облысында жүздеген шақырым автомобиль жолдары жөнделеді. Қазір Республикалық маңызы бар магистральдардағы жол төсемі қарқынды жаңартылуда. Олардың біршама бөлігі ұзақ уақыт бойы жөндеуді қажет етті. Өткен жылдан бері жүзеге асырылып келе жатқан бірнеше жоба бар. Ақмола облысы бойынша қайда, қалай және қандай жолдар жөнделетіні туралы «ҚазАвтоЖол ҰҚ» АҚ филиалы хабарлайды.
Республикалық автожолдардың ұлттық операторының облыстық филиалының алдында биыл маңызды міндеттер тұр. Негізгі жобалардың бірі ұзындығы 55 шақырым болатын «Көкшетау-Атбасар» республикалық маңызы бар жол учаскесін орташа жөндеу. Бұрын бұл жол қанағаттанарлықсыз жағдайда болып, халық наразылығын тудырған. Өткен жылы мұнда жаңа асфальт төселе бастады. Бұдан басқа, жобада су тасқыны қаупі бар учаскелерде алты су өткізу құрылысын жайластыру, сондай-ақ Зеренді және Сандықтау ауылдарының маңын жарықтандыру көзделген. Биыл 19-58 шақырымдары учаскесінде «Астана-Қорғалжын» жолын орташа жөндеу жоспарланған. Бұл жол «АЛЖИР» мұражай-мемориалдық кешеніне және «Қорғалжын» мемлекеттік табиғи қорығына апарады.
«ҚазАвтоЖол «ҰК» АҚ Ақмола облысы бойынша филиалында хабарлағандай, жыл соңына дейін «Екатеринбург-Алматы» 1124 – 1160 шақырымдары, «Жезқазған – Петропавл» 409 – 445 шақырымдарында учаскелерінде жол жабынын орташа жөндеуі бойынша жобаларды іске асырылады деп жоспарлануда. Сонымен қатар, «Астана қаласын айналып өту» автожолының 37-52 шақырымдарында жарықтандыру құрылысы аяқталу сатысында тұр.
Сонымен қатар, биыл «Макинск – Ақсу – Торғай» 31-71 шақырымдары, қашықтығы 39 шақырым, «Екатеринбург – Алматы», 1275-1280 шақырымдары, ұзындығы 5 шақырым автомобиль жолдарын орташа жөндеу бойынша жобаларды, сондай – ақ «Астана қаласын айналып өту» автожолының бірнеше учаскелерінде жұмыс басталады. Сондай-ақ көлік инфрақұрылымын жақсарту бойынша шаралар қабылдануда. Бұл бағдаршам нысандарының, жарықтандырудың, автопавильондерді орнату. Ведомствода атап өткендей, бұл жобаларды іске асыру автомобиль жолдарының өткізу қабілетін жақсартуға және олар бойынша жүруді ыңғайлы етуге мүмкіндік береді.
