Дүйсенбі, Шілде 15, 2024
17.6 C
Kokshetau
19 C
Nur-Sultan
21 C
Almaty
ЖаңалықтарЖемқорлық«KOKSHE» ӘКК» қызметінде сыбайлас жемқорлық тәуекелдері анықталды

«KOKSHE» ӘКК» қызметінде сыбайлас жемқорлық тәуекелдері анықталды

Ақмола облысы бойынша Antikor «KOKSHE» әлеуметтік-кәсіпкерлік корпорациясы» АҚ қызметіндегі сыбайлас жемқорлық тәуекелдерін сыртқы талдау қорытындысы бойынша бірқатар жүйелі кемшіліктерді анықтады.

Нормативтік-құқықтық базаның жетілмегендігі, төмендетілген құн бойынша активтерді сату, әлеуметтік маңызы бар азық-түлік тауарларына (ӘМАТ) бағаларды тұрақтандыру шараларын қабылдамау осы саладағы түйінді проблемалық мәселелер болып табылады.

Мысалы, 2014 жылдан бастап корпорация бірлескен жобаларды іске асыру үшін шамамен 40 түрлі ЖШС құрғандығы анықталды, алайда олардың көпшілігі іс жүзінде өз қызметін жүзеге асырмайды.

Талдау көрсеткендей, бүгінгі күні ӘКК шығынды кәсіпорын болып табылады және негізінен әкімдіктің қаржылық қолдауы есебінен жұмыс істейді.

Тұрақтандыру қорының қызметінде де тиімділіктің жеткіліксіздігі байқалады. Мәселен, тұрақтандыру қорынан азық-түлік өнімдерін төмендетілген бағамен сату облыс орталығында ғана 4 сауда павильоны арқылы жүзеге асырылды, олар өңірдің барлық халқының қажеттілігін өтемейді. ӘМАТ бағасын тұрақтандыруға арналған бюджет қаражаты нысаналы мақсаты бойынша жұмсалмаған, ал тұрақтандыру қорының жұмыс тетігінің өзі тиімсіз болып шықты. Бұдан басқа, Кәсіпкерлік басқармасы тарапынан ӘКК қызметіне тиісті бақылау жоқ.

Сыртқы талдау барысында ӘКК теңгерімінде жайылымға арналған жалпы ауданы 1 372 га 17 жер учаскесі бар екені анықталды, алайда олар мақсатына қарай пайдаланылмайды. Бұл ретте ауыл тұрғындары жеке ауладағы мал жаю үшін жайылымдық жерлердің тапшылығына шағымданады.

Сыбайлас жемқорлық тәуекелдерін талдау барысында анықталған сыбайлас жемқорлық тәуекелдерін жою үшін Облыстық Аntikor тиісті ұсыныстар енгізді.

Сыртқы талдау нәтижелері Сыбайлас жемқорлыққа қарсы іс-қимыл департаменті, Кәсіпкерлік және туризм басқармасы, «Kokshe «ӘКК» АҚ басшылығының, сондай-ақ облыстық Қоғамдық кеңес өкілдерінің қатысуымен өткен кездесуде талқыланды.

Кеңес барысында Департамент басшысының бірінші орынбасары Айдос Жақиялин атап өткендей, ұзақ уақыт бойы «KOKSHE» ӘКК қызметінде оң динамиканың жоқтығы байқалады. Өңірдің әлеуметтік-экономикалық дамуына жәрдемдесу жөніндегі міндеттерге іс жүзінде қол жеткізілген жоқ, мұны талдау нәтижелері дәлелдейді. Бұл тұрғыда бақылауды қамтамасыз ете отырып, осы бағытта тиісті жұмыс жүргізу қажет.

Өз кезегінде, ӘКК басшылығы анықталған сыбайлас жемқорлық тәуекелдерін жою жөніндегі іс-шаралар жоспарын орындау шеңберінде қабылданатын шаралар туралы хабардар етті.

- Жарнама -Newspaper WordPress Theme

Соңғы жаңалықтар

Щучье-Бурабай курорттық аймағын дамыту жөніндегі кеңес: өзекті мәселелер мен шешімдер

Ақмола облысының әкімі Марат Ахметжановтың төрағалығымен өткен Щучье-Бурабай курорттық аймағын дамыту мәселелері жөніндегі жұмыс кеңесіне ҚР Президенті Іс Басқармасының, туризм, экономика, көлік және экология...

Ерікті мемлекеттік қызметшілер қоғамдық орындарды тазарту және абаттандыру жұмыстарына қатысты

А.ж. 11 шілдеде «Таза Қазақстан» республикалық акциясы аясында ҚР Мемлекеттік қызмет істері агенттігінің Ақмола облысы бойынша департаментінің қызметкерлері, Департамент жанындағы «Еріктілер кеңесінің» мемлекеттік қызметші-еріктілері,...

Ақмола облысында cот әкімшілеріне сыбайлас жемқорлық үшін жауапкершілік түсіндірілді

Жемқорлықтың алдын алу аясында Сыбайлас жемқорлыққа қарсы іс-қимыл департаменті Сот әкімшілігі департаментімен және облыс соттарының әкімшілерімен семинар өткізді. Кездесу барысында превенция басқармасы басшысының орынбасары Абай...

Мемлекеттік қызметтегі өзекті кадрлық мәселелер талқыланды

ҚР Мемлекеттік қызмет істері агенттігінің Ақмола облысы бойынша департаментінің өкілдері облысымыздың жергілікті атқарушы органдарының персоналды басқару қызметі өкілдеріне арналған семинар өткізді. Семинарда Департаменттің мемлекеттік қызмет...

Университет түлектері мемлекеттік қызметке шақырылды

ҚР Мемлекеттік қызмет істері агенттігінің Ақмола облысы бойынша департаменті мен жоғары оқу орындары арасында жасалған өзара ынтымақтастық туралы меморандум аясында Департамент басшысы Думан Әбілев...