20.2 C
Kokshetau

Наш WhatsApp: +7 (775)-522-54-11

Tuesday, August 16, 2022
20.2 C
Kokshetau

Электронная почта: koksheinform@mail.ru

|

Whats App: +7 (775) 522 54 11

ДомойҚОҒАМАқмола облысында санитарлық дәрігерлер арасында сыбайлас жемқорлықтың алдын алу мәселелері талқыланды

Ақмола облысында санитарлық дәрігерлер арасында сыбайлас жемқорлықтың алдын алу мәселелері талқыланды

Ақмола облысы бойынша Сыбайлас жемқорлыққа қарсы қызмет басшылығының және өңірлік Санитариялық-эпидемиологиялық бақылау департаментінің, сондай-ақ оның аумақтық басқармаларының мемлекеттік қызметшілерінің қатысуымен онлайн режимінде сыбайлас жемқорлықтың себептері мен жағдайларын қарау және жою бойынша кездесу өтті.

Кездесуге қатысушыларға облыстың санитарлық дәрігерлеріне қатысты қылмыстық іс шеңберінде ҚР Қылмыстық-процестік кодексінің 200-бабы негізінде енгізілген ұсыну бойынша ақпарат жеткізілді.

Жоғары тұрған басшылық тарапынан тиісті бақылаудың болмауы, санитариялық-эпидемиологиялық бақылау саласындағы заңнама және басқа да бірқатар нормативтік актілер талаптарының сақталмауы осы сыбайлас жемқорлық құқық бұзушылық жасауға ықпал етті.

Кездесу барысында Сыбайлас жемқорлыққа қарсы іс-қимыл аумақтық департаментінің басшылығы мемлекеттік қызметшілерге сыбайлас жемқорлыққа қарсы іс-қимыл мәселелері бойынша түзетулерді түсіндірді.

«Қоғамдық денсаулықты сақтау және халықтың санитарлық-эпидемиологиялық салауаттылығы санэпидқызмет мамандары үшін, әсіресе коронавирустық пандемия кезінде маңызды болуы керек. Сондықтан, мен әрқайсысын сыбайлас жемқорлыққа қарсы заңнаманы мүлтіксіз сақтауға және сыбайлас жемқорлық көріністеріне төзбеушілік танытуға шақырамын», – деп атап өтті өз сөзінде өңірдің Сыбайлас жемқорлыққа қарсы ведомствосының басшысы Мұрат Төлеубаев.

Өз кезегінде облыстың бас санитарлық дәрігері алдағы уақытта осындай құқық бұзушылықтарға жол бермеу бойынша қабылданып жатқан шаралар туралы есеп берді.

Жарнамаspot_imgspot_imgspot_imgspot_img

Популярные Новости