19 шілде мен 18 тамыз аралығында полиция департаментінің жол қауіпсіздігін қамтамасыз ететін бөлімшелері күшейтілген режимде жұмыс істейді: бір ай ішінде өңірде «Қауіпсіз жол» жедел – алдын алу іс-шарасы өткізіледі.
Оның мақсаты-жүргізушілер мен жаяу жүргіншілердің көлік тәртібін арттыру, жол-көлік оқиғаларының санын азайту және жол қозғалысы ережелерін бұзудың алдын алу.
Әкімшілік полиция басқармасы, жергілікті полиция қызметі қызметкерлерінің және патрульдік полиция жасақшаларының бірлескен күш-жігерімен аварияның алдын алудың басым бағыттары бойынша жұмыс жандандырылды: мас күйінде көлікті басқару, қозғалыс жылдамдығының белгіленген шегінен асып кетудің және басып озу, қарсы жүріп өту, маневр жасау, жол қиылыстары мен жаяу жүргіншілер өткелдерінен өту, қауіпсіздік белдіктерін қолдану және ұялы телефонмен сөйлесу.
Жеті күннің қорытындысы бойынша құқық қорғау органдарының қызметкерлері облыстағы апаттылық деңгейіне айтарлықтай әсер ететін 3 680-нен астам жол қозғалысы ережелерін бұзудың жолын кесті, оның ішінде 62 жүргізуші мас күйінде көлік жүргізгені үшін ұсталды, 17 жүргізуші көлік жүргізу құқығынан айырылды.
Анықталған бұзушылықтардың ішінде, жылдамдық режимін асыру бойынша 1741 факті, аталған бұзушылықтар «Ekin Patrol» кешенімен анықталды, 684 автокөлік иесі қозғалыс кезінде қауіпсіздік белдігін пайдаланбаған, 44–і бағдаршамның тыйым салатын белгісіне өткен. Тағы 18 жүргізуші өз көлігін тиісті рұқсатсыз заңсыз қайта жабдықтағаны үшін, 8 — і авариялық жағдай туғызғаны үшін жауапкершілікке тартылды, бір автокөлік жүргізушісіне қарсы жолға шыққаны үшін айыппұл салынды.
Жаяу жүргіншілердің белгіленген ережелерді сақтауы да ерекше назарда. Акцияның жеті күнінде 450-ден астам жаяу жүргінші жол ережесін бұзып, өз өміріне қауіп төндірді, тағы 51 көлік иесі жаяу жүргіншілерге артықшылық бермегені үшін жауапқа тартылды.
Анықталған бұзушылықтардың қатарында жалған немесе жасанды нөмірлік белгілері бар көлік құралдарын басқарудың 17 фактісі және жолаушыларды заңсыз тасымалдаудың 4 фактісі бар.
Өткен аптада полиция қызметкерлері 145 апатты-қауіпті жол учаскелерін тексерді, қосымша 13 жол белгілері орнатылды.
Тәртіп сақшылары жол қозғалысының барлық қатысушыларынан жол қозғалысы ережелерін мүлтіксіз сақтауды сұрайды!
