Жұма, Наурыз 29, 2024
1.3 C
Kokshetau
2 C
Nur-Sultan
8 C
Almaty
ЖаңалықтарAMANATБурабай ауданында «Құтты мекен» партиялық жобасы сәтті жүзеге асырылуда

Бурабай ауданында «Құтты мекен» партиялық жобасы сәтті жүзеге асырылуда

Келешегі бар елді-мекен халқының еңбек етіп, жақсы өмір сүруге әлеуеті мол. Бүгінде Бурабай ауданында «Құтты мекен» партиялық жобасы сәтті жүзеге асып келеді. Игі бастаманың шарапатын бурабайлықтар жақында көреді.

Мәселен, Щучинск қаласында 45 пәтерлі үш тұрғын үй кешені бой көтеріп жатыр. Құрылыстың сапалы әрі уақытылы орындалуын партияның бақылау комиссиясының мүшелері бақылауға алған.

«Құтты мекен» жобасы аясында салынып жатқан баспананың біреуі ағымдағы жылдың соңында тапсырылып, 45 отбасы баспаналы болады деп күтіледі.

Жаңадан салынатын көпфункционалды спорт сарайы да қала тұрғындары үшін үлкен қуаныш. Себебі, спорт кешені азаматтардың түрлі спорт түрлерімен айналысуға, спорт секцияларының оқу-жаттығу сабақтарын өткізуге және жарыстар ұйымдастыруға арналмақ.

Биыл спорт сарайының құрылысы басталмақ. Бүгінгі таңда кешеннің жобалық-сметалық құжаттамасы дайын және барлық конкурстық рәсімдер өткізілген.

Сондай-ақ, ауданда «Шидай» спорт кешенінің құрылыс жұмыстары қарқынды жүруде. Бұл нысан аудандық мәслихат депутаты Олжас Нұрмағамбетовтың жеке қаржысы және демеушілердің көмегі арқасында жүзеге асырылуда. Аталмыш спорт клубы қаламыз бен аудан жасөспірімдерін біріншіден бос уақытын пайдалы өткізуге, екіншіден үлкен спортқа жол беретіні айқын. Бүгінгі таңда клубтың өз ғимаратын салу деген үлкен абырой. Клубтың тәрбиеленушілері аудан, облыс және республикалық деңгейде, сондай-ақ ұлтаралық сайыстардың жүлдегерлері қатарынан табылып, чемпион атанғандары да бар, олар ұлттық құрама қатарына іріктелді.

Айта кетейік, «AMANAT» партиясының Бурабай аумақтық филиалы аталған жобалардың жоспарлы,әрі сапалы іске асырылуын өз бақылауына алып отыр. Бағдарлама аясында ауданда салынатын нысандардың құрылысын арнайы мониторинг тобы тексереді.
Қазіргі таңда партия ел еңсесін көтеріп, әлеуметтік мәселелердің шешілуіне ұйытқы болуда. Бурабайлықтар алда жүзеге асатын тың жобаларды толық қолдайды. Келешекте жаңа бастамалар жүзеге асып, қолға алынған әрбір іс халық көңілінен шығады деп сенеміз.

- Жарнама -Newspaper WordPress Theme

Соңғы жаңалықтар

Мемлекеттік қызмет істері департаменті жыл басынан бері 22 көрсетілетін қызметті алушылардың құқықтарын қалпына келтірді

ҚР Мемлекеттік қызмет істері агенттігінің Ақмола облысы бойынша департаментінің басты міндеттерінің бірі – көрсетілетін қызмет алушылардың бұзылған құқықтарын қалпына келтіру. Мәселен, 2024 жылдың I тоқсанында...

Департамент шаралар қабылдағаннан кейін азаматқа жеке меншікке жер учаскесі берілді

Ақмола облысы бойынша Мемлекеттік қызмет істері агенттігінің департаментіне Көкшетау қаласының әкімдігі «Жер учаскесін жеке меншікке немесе бөліп-бөліп сату» мемлекеттік қызметін көрсетуден бас тару мәселесімен...

Ақмолада денсаулық сақтау саласындағы 33 ұйымға жемқорлыққа қарсы комплаенс институты енгізілді

Денсаулық сақтау саласындағы 33 ұйымда комплаенс-мамандар жұмыс істейді. Олардың негізгі міндеттері - құқық бұзушылықтардың алдын алу, корпоративтік парасаттылық стандарттарын сақтау және ұйымның іскерлік имиджін...

Ақмола облысында Антикор проблемалық әлеуметтік нысандардың құрылысын сүйемелдеуге алды

Ақмола облысында Сыбайлас жемқорлыққа қарсы іс-қимыл мәселелері жөніндегі ведомствоаралық комиссияның отырысы өтті. Іс-шара барысында облыс әкімі Марат Ахметжанов сыбайлас жемқорлыққа қарсы мәдениетті қалыптастыру қоғамдағы сыбайлас...

«Бала ақын – жас дарын» жас ақындар айтысы өтті

Облыстық халық шығармашылық және мәдени демалыс орталығының ұйымдастыруымен Ерейментау аудандық мәдениет үйінде ақын, әнші, айтыскер, Қазақстанның еңбек сіңірген мәдениет қайраткері Мұса Мырзағұлұлы Асайыновтың 95...