14.2 C
Kokshetau

Наш WhatsApp: +7 (775)-522-54-11

Friday, August 19, 2022
14.2 C
Kokshetau

Электронная почта: koksheinform@mail.ru

|

Whats App: +7 (775) 522 54 11

ДомойSAILAU-2021Бурабай ауданының кәсіпкері балалар сауықтыру орталықтарын дамытуға ниетті

Бурабай ауданының кәсіпкері балалар сауықтыру орталықтарын дамытуға ниетті

Праймериз жеңімпазы туризм секторын, атап айтқанда, аймақтағы балаларды сауықтыру орталықтарын дамытуға ниетті. Бұл туралы ол «Nur Otan» партиясы Ақмола облыстық филиалының кезектен тыс ХХХІІІ конференциясындағы пікірсайыстар кезінде мәлімдеді.

Облыста туризм ерекше орын алады. Ол бүгінде Қазақстан Республикасының туристік аймақтарының көшбасшыларының бестігіне кіреді. Өйткені, Бурабай аймағы жылдың кез келген уақытында ең алдымен, денсаулықты тиімді қалпына келтіруде табиғи саф ауасымен тәнті етеді.

– Инфрақұрылымды дамыту, сервистік қызмет көрсету сапасын арттыру, желіні кеңейту және балалардың сауықтыру орталықтарының қызметін жақсарту – бұл бағытта кешенді жұмыстар жүргізу қажет, – деп атап өтті кандидат.

Биылғы жылы Бурабай  аумағында жалпы құны 1,5 миллиард теңгеден асатын 5 жаңа туристік нысан пайдалануға берілді. 9 туризм объектісінің, оның ішінде үш ірі қонақ үй кешенінің құрылысы жалғасуда. Бүгінгі күні Щучье -Бурабай курорттық аймағындағы туристік қызметтердің инфрақұрылымына сыйымдылығы 13 мыңнан астам орынды құрайтын 178 объект кіреді.

Пікірсайысқа қатысқан денсаулық сақтау саласының өкілі де маңызды бағытты дамытуға ниетті. Дәрігер өз баяндамасында  әлеуметтік саясаттың басымдығы айқын екенін атап көрсетті. Ол халықтың денсаулығын сақтауды дамыту мен нығайтудың маңыздылығына тоқталып, ауылдық жерлердегі медициналық көмек жүйесін жетілдіру, ауылдық ауруханаларды жабдықтау және медицина қызметкерлерінің мәртебесін нығайту бойынша бірқатар ұсыныстарды айта отырып, оларды әлеуметтік жағынан қорғау керектігін атап өтті.

Пікірсайыстар барысында хабарламашылар өзекті және маңызды мәселелерді көтерді, соның ішінде білім беру, шағын және орта бизнесті қолдау, әлеуметтік кәсіпкерлік, ерекше қажеттіліктері бар балаларға көмек, спортты, мәдениетті дамыту және т.б.

Сондай-ақ, аймақтық конференция барысында облыстық мәслихат депутаттарын сайлау бойынша партиялық тізім бекітілді. Оның құрамында 58 үміткер бар.

Облыстық мәслихаттың құрамы шамамен 70 пайызға өзгереді. Мұндағы әйелдер 2,5 есеге, 35 жасқа дейінгі жастар 0-ден 20,7 пайызға дейін өсті. Партиялық тізімге өткен үміткерлердің орташа жасы – 43 жас, сондықтан құрам 12 жасқа жасарды.Партиялық тізімде кәсіпкерлер (ШОБ) – 29,3 пайызды құраса, білім беру саласының өкілдері – 25,9 пайызды және 13,8 пайызды құраған ауыл шаруашылығы саласының өкілдері мен басқалары бар.

Жарнамаspot_imgspot_imgspot_imgspot_img

Популярные Новости