Жұма, Наурыз 29, 2024
1.2 C
Kokshetau
4 C
Nur-Sultan
12 C
Almaty
ЖаңалықтарЭкологияСу қорғау аймақтары, белдеулері және шаруашылықта пайдалану режимі

Су қорғау аймақтары, белдеулері және шаруашылықта пайдалану режимі

Су объектілерін қорғау-су объектілерін сақтауға, қалпына келтіруге және ұдайы өндіруге, сондай-ақ судың зиянды әсерін болдырмауға бағытталған қызмет.

Су объектілерін санитариялық-гигиеналық және экологиялық талаптарға сәйкес күйде ұстау, жер үсті суларының ластануын, қоқыстануы мен сарқылуын болғызбау, сондай-ақ өсімдіктер мен жануарлар дүниесін сақтау үшін ерекше пайдалану шарттары бар су қорғау аймақтары мен белдеулері белгіленеді.

Су қорғау аймақтары, белдеулері және оларды шаруашылықта пайдалану режимін облыстардың, республикалық маңызы бар қалалардың, астананың жергілікті атқарушы органдары су ресурстарын пайдалануды реттеу және қорғау жөніндегі Бассейндік инспекциялармен, халықтың санитариялық-эпидемиологиялық саламаттылығы саласындағы мемлекеттік органмен, қоршаған ортаны қорғау саласындағы уәкілетті мемлекеттік органмен, жер қатынастары жөніндегі уәкілетті органмен, ал сел қаупі бар аудандарда – қосымша азаматтық қорғау саласындағы уәкілетті органмен келісілген, бекітілген жобалау құжаттамасы негізінде белгілейді.

Табиғи және жасанды шептер немесе жоғарыда жатқан аумақтардан (өзен аңғарлары мен арқалықтардың жиектері, жол – көлік желісі, бөгеттер, орман алқаптарының шеттері) су объектілеріне жер үсті ағынының түсу мүмкіндігін болдырмайтын кедергілер су қорғау аймағының шекаралары болып табылады.

Елді мекендерде су қорғау аймағы шегінде су объектісінің қоқыстануы мен ластануын болдырмайтын пайдалану режимі сақталады. Өзендер мен магистральдық арналардың су қорғау белдеулерінің мөлшері өзен аңғарларының нысаны мен үлгісін, іргелес беткейлердің тіктігін, жағалауларды қайта өңдеу болжамы мен ауыл шаруашылығы алқаптарының және барлық су объектілері үшін құрамын ескере отырып айқындалады.

Елді мекендер шегінде су қорғау белдеулерінің шекаралары су объектісінің ластануын болдырмайтын жағалау аймағын (парапеттер, опырылу, орман-бұта белдеулері) міндетті жайластыру кезінде жоспарлау мен құрылыс салуға сүйене отырып белгіленеді.

Су қорғау аймақтары мен белдеулерін ұйымдастыру жобалау құжаттамасында және су қорғау белгілерін орнатуда көзделген су қорғау іс-шараларының кешенімен сүйемелденеді.

Су қорғау белгілері бірінші кезекте суға түсу, шатыр қалашықтарын орнату, шөп пен қамыс шабу, мал жаю орындарында және антропогендік әсерге ұшырайтын басқа да аумақтарда орнатылады.

Ақмола облысы бойынша қолда бар 600-ден астам су объектілерінің 119 су объектілері мен олардың учаскелерінде су қорғау аймақтары мен белдеулері белгіленген.

 

- Жарнама -Newspaper WordPress Theme

Соңғы жаңалықтар

8 мемлекеттік қызметшінің құқықтары қалпына келтірілді

Қазақстан Республикасы Мемлекеттік қызмет істері агенттігінің Ақмола облысы бойынша департаментімен Қазақстан Республикасы Мемлекеттік қызмет істері агенттігі төрағасының 07.12.2023 жылғы № 237 бұйрығына сәйкес Бурабай...

Мемлекеттік қызмет істері департаменті жыл басынан бері 22 көрсетілетін қызметті алушылардың құқықтарын қалпына келтірді

ҚР Мемлекеттік қызмет істері агенттігінің Ақмола облысы бойынша департаментінің басты міндеттерінің бірі – көрсетілетін қызмет алушылардың бұзылған құқықтарын қалпына келтіру. Мәселен, 2024 жылдың I тоқсанында...

Департамент шаралар қабылдағаннан кейін азаматқа жеке меншікке жер учаскесі берілді

Ақмола облысы бойынша Мемлекеттік қызмет істері агенттігінің департаментіне Көкшетау қаласының әкімдігі «Жер учаскесін жеке меншікке немесе бөліп-бөліп сату» мемлекеттік қызметін көрсетуден бас тару мәселесімен...

Ақмолада денсаулық сақтау саласындағы 33 ұйымға жемқорлыққа қарсы комплаенс институты енгізілді

Денсаулық сақтау саласындағы 33 ұйымда комплаенс-мамандар жұмыс істейді. Олардың негізгі міндеттері - құқық бұзушылықтардың алдын алу, корпоративтік парасаттылық стандарттарын сақтау және ұйымның іскерлік имиджін...

Ақмола облысында Антикор проблемалық әлеуметтік нысандардың құрылысын сүйемелдеуге алды

Ақмола облысында Сыбайлас жемқорлыққа қарсы іс-қимыл мәселелері жөніндегі ведомствоаралық комиссияның отырысы өтті. Іс-шара барысында облыс әкімі Марат Ахметжанов сыбайлас жемқорлыққа қарсы мәдениетті қалыптастыру қоғамдағы сыбайлас...