Макинск қаласында қазіргі заманғы озық технология бойынша тәулігіне 600 тонна өсімдік майын өндіретін жаңа зауыты іске қосу жоспарланған.
Зауыт құрылысын «Бота-2015» жауапкершілігі шектеулі серіктестігі жүргізуде. Қазіргі кезде ғимараттың қабырғалары тұрғызылып, қойманың құрылыс-монтаж жұмыстары, теміржол құрылысы аяқталуға жақын. Осы заманғы қондырғылармен жабдықталған зауытта майлы дақылдарды өңдеп, таяу шетел нарығына экспорттау жоспарланған.
Жобаның құны 4,2 миллиард теңгеге бағаланып отыр. Кәсіпорынның ашылуы жергілікті 80 адамды жұмыспен қамтуға мүмкіндік береді. Еліміз бойынша осы тектес зауыт Алматы қаласында ғана бар. Мұндай өндіріс орындарын салу – құр шикізат экспортына қарағанда, тереңдетіле өңделген, құны жоғары өнім экспортына өтуге мүмкіндік береді.
