Жұма, Наурыз 29, 2024
2.2 C
Kokshetau
4 C
Nur-Sultan
11 C
Almaty
ЖаңалықтарЖемқорлық"Мемсараптама" РМК өкілдеріне сыбайлас жемқорлыққа қарсы заңнаманың новеллалары түсіндірілді

«Мемсараптама» РМК өкілдеріне сыбайлас жемқорлыққа қарсы заңнаманың новеллалары түсіндірілді

Квазимемлекеттік секторда сыбайлас жемқорлықтың алдын алу мақсатында ҚР Сыбайлас жемқорлыққа қарсы іс-қимыл агенттігінің Ақмола облысы бойынша департаменті ҚР индустрия және инфрақұрылымдық даму министрлігі Құрылыс және ТКШ істері комитетінің «Мемсараптама» РМК» Солтүстік өңірі бойынша филиалының өкілдерімен сыбайлас жемқорлыққа қарсы заңнама нормаларын түсіндіру бойынша кездесу өткізді.
Кездесу барысында Департаменттің қызметкері Әсемгүл Галеева сыбайлас жемқорлыққа қарсы саясаттың негізгі бағыттары және сыбайлас жемқорлыққа қарсы іс-қимыл мәселелері бойынша заңнаманың маңызды нормалары туралы хабардар етті.
Атап айтқанда, спикер сыбайлас жемқорлық үшін жауапкершіліктің бұлтартпастылығы қағидатын қамтамасыз ету үшін квазимемлекеттік сектордағы сыбайлас жемқорлық құқық бұзушылықтардың әлеуетті субъектілерінің шеңбері заңнамалық деңгейде кеңейтілгенін атап өтті. Мұндай субъектілерге сатып алуды ұйымдастыру және өткізу жөнінде шешімдер қабылдауға уәкілетті не мемлекеттік бюджеттен және Ұлттық қордан қаржыландырылатын жобаларды іске асыруға жауапты адамдар жатады.
Сондай-ақ квазимемлекеттік сектор ұйымдарының басшылары бағынышты қызметкерлердің сыбайлас жемқорлық үшін дербес жауапты. Ал сыбайлас жемқорлық қылмыс жасаған тұлғаларға квазимемлекеттік сектор субъектілеріне жұмысқа орналасуға өмір бойы тыйым салынады.
Сыбайлас жемқорлыққа қарсы саясаттың алдағы 5 жылға арналған тұжырымдамасын іске асыру шеңберінде квазимемлекеттік сектор субъектілері қызметінің ашықтығын белгілеуге және компания қызметкерлерінің сыбайлас жемқорлыққа қарсы мәдениетін арттыруға қатысты бірқатар бастамаларды енгізу көзделген.
Бүгінгі таңда квазимемлекеттік сектор субъектілерінің комплаенс-қызметтерінің жұмысында Сыбайлас жемқорлыққа қарсы қызметтің үйлестіруші рөлі күшейтілуде. Сыбайлас жемқорлыққа қарсы комплаенс институты квазимемлекеттік компаниялар мен жеке секторда корпоративтік парасаттылық стандарттарының сақталуын қамтамасыз етуге жауапты.
Сонымен қатар, ағымдағы жылдың 3 қаңтарынан бастап жаңа заңнамалық өзгерістер енгізілді, оған сәйкес негізсіз байыту үшін мемлекеттік қызметшілердің жауапкершілігі көзделген. Бұл норма лауазымды тұлғалардың кірістері мен шығыстарын бақылауға мүмкіндік береді. Енді бұл адамдарды мемлекеттік органның немесе ұйымның тәртіптік комиссиясының ұсынымынсыз тәртіптік жауапкершілікке тартуға, қызметтен босатуға немесе басқа лауазымға ауыстыруға болмайды.
Сондай-ақ спикер сыбайлас жемқорлық фактілері туралы хабарлайтын азаматтарды көтермелеудің сараланған жүйесі туралы айтып, қатысушыларды сыбайлас жемқорлыққа қарсы заңнаманы қатаң сақтауға шақырды.
- Жарнама -Newspaper WordPress Theme

Соңғы жаңалықтар

8 мемлекеттік қызметшінің құқықтары қалпына келтірілді

Қазақстан Республикасы Мемлекеттік қызмет істері агенттігінің Ақмола облысы бойынша департаментімен Қазақстан Республикасы Мемлекеттік қызмет істері агенттігі төрағасының 07.12.2023 жылғы № 237 бұйрығына сәйкес Бурабай...

Мемлекеттік қызмет істері департаменті жыл басынан бері 22 көрсетілетін қызметті алушылардың құқықтарын қалпына келтірді

ҚР Мемлекеттік қызмет істері агенттігінің Ақмола облысы бойынша департаментінің басты міндеттерінің бірі – көрсетілетін қызмет алушылардың бұзылған құқықтарын қалпына келтіру. Мәселен, 2024 жылдың I тоқсанында...

Департамент шаралар қабылдағаннан кейін азаматқа жеке меншікке жер учаскесі берілді

Ақмола облысы бойынша Мемлекеттік қызмет істері агенттігінің департаментіне Көкшетау қаласының әкімдігі «Жер учаскесін жеке меншікке немесе бөліп-бөліп сату» мемлекеттік қызметін көрсетуден бас тару мәселесімен...

Ақмолада денсаулық сақтау саласындағы 33 ұйымға жемқорлыққа қарсы комплаенс институты енгізілді

Денсаулық сақтау саласындағы 33 ұйымда комплаенс-мамандар жұмыс істейді. Олардың негізгі міндеттері - құқық бұзушылықтардың алдын алу, корпоративтік парасаттылық стандарттарын сақтау және ұйымның іскерлік имиджін...

Ақмола облысында Антикор проблемалық әлеуметтік нысандардың құрылысын сүйемелдеуге алды

Ақмола облысында Сыбайлас жемқорлыққа қарсы іс-қимыл мәселелері жөніндегі ведомствоаралық комиссияның отырысы өтті. Іс-шара барысында облыс әкімі Марат Ахметжанов сыбайлас жемқорлыққа қарсы мәдениетті қалыптастыру қоғамдағы сыбайлас...