Қазақстан Республикасы Президенті Әкімшілігінің келісімі негізінде Бурабай ауданы әкімінің 2024 жылғы 22 мамырдағы өкімімен 2023 жылғы Президенттік жастар кадр резервінің өкілі Мерей Рамазан Бурабай ауданы әкімінің орынбасары лауазымына тағайындалды.
Рамазан Мерей Қарағанды облысының тумасы, Саран қ., 1989 жылы туған, жоғары білімі бар. 2011 жылы Е.А. Бөкетов атындағы Қарағанды мемлекеттік университетін «мемлекеттік және жергілікті басқару» мамандығы бойынша, 2018 жылы Қарағанды экономикалық университетін «Құқықтану: Экономика саласындағы құқықтық реттеу» мамандығы бойынша тәмамдады. 2023 жылы Қазақстан Республикасы Президентінің жанындағы Мемлекеттік басқару академиясының басқару және бизнес магистрі дәрежесін алды.
2022 жылы Mohammed bin Rashid Government мектебінде (БАӘ) тағылымдамадан өтті.
ҚР МТ ұлттық стандарты бойынша сертификатталған жобалық менеджер:
1) ISO 21500-2014 “Жобаларды басқару жөніндегі басшылық», «Жоба басшысы» біліктілігі;
2) ISO 21503-2018 «Бағдарламаларды басқару жөніндегі басшылық», «Бағдарлама басшысы» біліктілігі.
Еңбек жолын 2011 жылы Қазақстан Республикасы Еңбек және халықты әлеуметтік қорғау Министрлігінің (ҚР ЕХӘҚМ) бақылау және әлеуметтік қорғау комитетінде жастар практикасынан бастады.
2012-2020 жылдары ҚР ЕХӘҚМ жүйесінде бас маман, мемлекеттік еңбек инспекторы, сарапшы, бас мемлекеттік еңбек инспекторы, бас сарапшы, басқарма басшысы лауазымдарында жұмыс істеді.
2020-2023 жылдары Қазақстан Республикасы Үкіметі Аппаратының Әлеуметтік даму бөлімінің бас консультанты болып жұмыс істеді.
2023 жылғы 2 қазаннан бастап Бурабай ауданының әкімі орынбасары лауазымына тағайындалғанға дейін Қазақстан Республикасы Бәсекелестікті қорғау және дамыту агенттігінің бәсекелестікті құқықтық реттеу департаменті бәсекелестікті құқықтық реттеу басқармасының басшысы лауазымында жұмыс істеді.
Сонымен қатар, «Әлеуметтік саласының үздігі», “Қазақстан мұнайына 120 жыл» ведомстволық медальдарымен және ҚР Премьер-Министрінің Құрмет грамотасымен марапатталған.
