Сотта, 58-жастағы жұмыс істемейтін азамат «П.»-ға қатысты анасының денсаулығына зиян келтірмей ұрып-соққаны үшін қылмыстық іс қаралды (Қылмыстық кодексінің 109-1-бабының 1-бөлігі).

Сотта анықталғандай, ер адам үйде мас күйінде бола тұра, анасымен сөзбен жанжалға келіп, оның қолынан ұстап, тән ауруына ұшыратып итеріп жіберген.
Әйел ұлына қатысты шара қолдану туралы полицияға арыз жазды.

Медициналық куәландыру «П.»-да алкогольдік масаңдықтың орташа дәрежесін анықтады.

Сот-медициналық сараптама әйелдің оң қолында көгергенін анықтады.
«П.» жергілікті аймақта табиғи сипаттағы төтенше жағдай кезінде және алкогольдік мас күйде қылмыстық теріс қылық жасағанын сот жауаптылық пен жазаны ауырлататын мән-жайлар деп таныды.

Жаза тағайындауда сотталушының кінәсін мойындауын, тұрақты жұмыс пен табыстың жоқтығы ескерілді.

Сот үкімімен «П.»-ға Қылмыстық кодексте көзделген ең жоғары жазаның түрі қоғамдық жұмыстарға 60 сағатқа тарту тағайындалды.

Ақмола облысы
Астрахан аудандық соты