Қосшы қалалық соты пайдаланылмаған еңбек демалысы үшін өтемақы, өсімпұл, моральдық зиянды өндіріп алу және әлеуметтік төлемдерді аударуды міндеттеу туралы «D.» ЖШС-ға 11 жұмысшының талап арызы бойынша азаматтық іс қарады.
Сотта анықталғандай, талапкерлер 2022 жылдың тамыз айынан бастап ЖШС-да техникалық персонал (еден жуушы, қазандық машинис, тазалаушы, сантехник, электрик, плотник, гардероб қызметшісі) ретінде жұмыс істеген.

2023 жылғы ақпанда жұмысшылармен еңбек шарты мерзімнің аяқталуына байланысты тоқтатылды.

Шартты бұзғаннан кейін жауапкер қызметкерлердің жыл сайынғы ақылы демалыстың пайдаланылмаған күндері үшін төлем және соңғы 3 айда зейнетақы қорына және МӘМС-ке әлеуметтік аударымдар жасамаған.

Сотта жауапкер пайдаланылмаған еңбек демалысы үшін төлемдерді және әлеуметтік аударымдар бойынша берешекті мойындады. Төлемді кешіктіру мерзімі — 518 күн.

Жұмысшылардың конституциялық құқықтары бұзылғандықтан, моральдық зиянды өндіріп алу туралы талаптар орынды.

Сот шешімімен талап ішінара қанағаттандырылды. ЖШС-дан жұмысшылардың пайдасына пайдаланылмаған еңбек демалысы үшін өтемақы, өсімпұл және әрқайсысына 150 000 теңге мөлшерінде моральдық зиян сомасы өндірілді.

Сондай-ақ, сот ЖШС-ны әрбір қызметкерге зейнетақы қорына және МӘМС-ке әлеуметтік аударымдар жасауға міндеттеді.

Сот актісі заңды күшіне енген жоқ.

Ақмола облысы Қосшы қаласының соты.