Сыбайлас жемқорлық құқық бұзушылықтардың алдын алу және сыбайлас жемқорлыққа қарсы саясатты ілгерілету мақсатында ҚР Сыбайлас жемқорлыққа қарсы іс-қимыл агенттігінің Ақмола облысы бойынша департартаменті басшысының бірінші орынбасары Сағыныш Аяғанова облыстық Сот әкімшілігі департаментінде семинар өткізді.

Іс-шара барысында спикер Қазақстанда жүзеге асырылып жатқан сыбайлас жемқорлыққа қарсы реформалармен таныстырып, сыбайлас жемқорлыққа қарсы іс-қимылдың негізгі шаралары мен сыбайлас жемқорлыққа қарсы шектеулерді, сондай-ақ оларды сақтамағаны үшін көзделген жауапкершілік туралы айтты. Сонымен қатар, құмар ойындарға қатысуға тыйым салуға қатысты заңнамалық өзгерістерді түсіндірді.

Сағыныш Аяғанова семинарға қатысушылардың сұрақтарына жауап беріп, оларды сыбайлас жемқорлыққа қарсы заңнаманы мүлтіксіз сақтауға шақырды.