Ақмола облыстық ПД баспасөз қызметінің мәліметінше, кәмелетке толмаған баланың өліміне байланысты сотқа дейінгі тергеу жүргізілуде.
«Алдын ала анықталғандай, 10 жастағы ұл Целиноград ауданының Талапкер ауылында арнайы дайындық орталығында жаттығу кезінде көз жұмған. Қазіргі уақытта сот-медициналық сараптама тағайындалып, соның қорытындысы бойынша процессуалдық шешім шығарылатын болады», – деді ведомстводан.
