Ақмола облыстық Төтенше жағдайлар департаменті баспасөз қызметінің мәліметінше, бүгін сағат 13:00-де Зеренді ауданының Ақадыр ауылы аумағында екпіні 23 м/с жел тұрды. Соның салдарынан ауылдағы 8 үйдің жалпы аумағы 300 шаршы метр болатын шатыры желге ұшты.
Сонымен қатар, Ақадыр, Ұялы, Еңбекбірлік ауылдарында электр тарату желілеріне залал келіп, 247 абонент жарықсыз қалды. Қазіргі кезде, «Қуат энергопартнер» ЖШС-нің 5 адам және 1 техникасы табиғи апаттан келтірілген залалды жою бойынша жұмыс істеуде. Төтенше жағдайдан қаза болғандар мен зардап шеккендер жоқ.
«Ақмола облысының Зеренді ауданында қатты жел 8 тұрғын үйдің шатырын ұшырды. Қазіргі уақытта елді мекендерде электрмен жабдықтауды қалпына келтіру жұмыстары жүргізілуде. Алдағы уақытта жергілікті атқарушы органдардың арнайы комиссиясы үйлерінің шатыры қираған тұрғындарға келтірілген залалды өтеу бойынша шешім қабылдайтын болады», – деді ТЖД бастығының орынбасары Қайрат Қасым.
