Қосшы қалалық соты абайсызда науқастың денсаулығына ауыр зиян келтіруге әкеп соққан, науқасқа дәлелді себептерсіз медициналық көмек көрсетпегені үшін жедел медициналық жәрдем фельдшері «А.»-ға қатысты қылмыстық іс қарады (Қылмыстық кодексінің 320-бабының 2-бөлігі).

Сот үкімді жария етуді облыстық жедел медициналық жәрдем станциясының, Ақмол қосалқы станциясының және Қосшы қаласының емханаларының медицина қызметкерлері ұжымдарының қатысуымен өткізді.

Сотта келесі анықталды. Фельдшер «А.» жүректің ауыруына шағымданған азаматша «У.»-дің үйіне шақыру бойынша келіп, тиісті медициналық көмек көрсетпеген және науқасты ауруханаға жеткізіп, жатқызудан бас тартқан.

Кейін, науқас «У.» медициналық көмек алу үшін ауруханаға өз бетінше баруға мәжбүр болған. Ауруханада оған «Жүректің ишемиялық ауруы. Миокард инфарктісі. Стенттеу. Кардиогенді шок. Клиникалық өлімнен кейінгі жағдай» диагноздары қойылды.

Сотта фельдшер «А.»-ның кінәсі сараптамалардың қорытындыларымен, жәбірленушінің, куәгерлердің айғақтарымен, жедел медициналық жәрдем фельдшеріне пациентті ауруханаға шұғыл жеткізуді көздеген нормативтік құқықтық актілермен және істің басқа да материалдарымен дәлелденді.

Жаза тағайындауда сот кінәлінің жас болуын, қылмыстық құқық бұзушылықты алғаш рет жасағанын назарға алды.

Сот үкімімен «А.»-ға медициналық қызмет көрсету құқығын айыра отырып, 3 жыл 6 айға бас бостандығын шектеу тағайындалды.

Сонымен қатар, сот абайсызда пациенттің денсаулығына ауыр зиян келтіретін жедел медициналық жәрдем қызметкерлерінің медицина саласындағы нормативтік құқықтық актілерді өрескел бұзушылығына назар аударып, облыстық денсаулық сақтау басқармасына тиісті шаралар қабылдау үшін жеке қаулы шығарды.
Сот актілері заңды күшіне енген жоқ.

Ақмола облысы Қосшы қалалық соты.