Облыстық ішкі саясат басқармасының мәлметінше, Ел Тәуелсіздігінің 30-жылдығы және Конституция күніне орай Жақсы ауданында «JAQSY» сауда орталығы ашылды.

Аудан орталығында ашылған жаңа сауда орнында жергілікті тауар өндірушілердің өнімдері ұсынылған. Оның ішінде «Урожай» ЖШС-де өндірілген макарон және түрлі жарма түрлері, «Айбат» ЖШС-нің сүт өнімдері (қаймақ, сүт, айран, ряженка, сүзбе, ірімшік), шұжық өнімдері, консервілер, жартылай фабрикаттары сөреге қойылған. Сондай-ақ, дүкен ғимаратында наубайхана жұмыс істейді, одан дүкенге екі сортты жаңа пісірілген нан, нан және тоқаш жеткізіледі.

Нысанды Жақсы ауданының тұрғындарын сапалы азық-түлікпен және төмен бағамен қамтамасыз ету үшін «TNK агрофирмасы» ЖШС ашқан.

Еске сала кетсек, Конституция күніне орай облыста 20-ға жуық әлеуметтік және өнеркәсіптік нысандар ашылып, пайдалануға берілді.