Жексенбі, Шілде 14, 2024
19.9 C
Kokshetau
16 C
Nur-Sultan
16 C
Almaty
ЖаңалықтарҚоғамЖолдың сапасы бақылауда

Жолдың сапасы бақылауда

Биыл Ақмола облысында жолдарды салу және жөндеу бойынша 120 жоба іске асырылады деп жоспарлануда. Аймақтың көлік инфрақұрылымын жақсарту бастамаларына 60 миллиард теңгеге жуық қаражат бөлінді. Жалпы, 550 шақырымнан астам автомобиль жолдары жаңартылатын болады. Бұл ретте жолдарды жөндеу және салу сапасына ерекше назар аударылды.

«Жол активтерінің Ұлттық сапа Орталығы» РМК облыстық филиалына негізгі міндеттер жүктелді. Бұл тек жол құрылысы жұмыстары мен материалдарының сапасын сараптау ғана емес, сондай-ақ автомобиль жолдарының жағдайын диагностикалау, жөндеу жұмыстарына арналған жобалық-сметалық құжаттамаларды ведомстволық сараптау және жергілікті атқарушы органдармен жолдардың сапасын жақсарту бойынша тығыз жұмыс жасау. Биыл «Щучинск-Степняк-Валиханово», «Щучинск-Николаевка», «Жолымбет-Шортанды-Пригородное» және басқа да автомобиль жолдарын күрделі және орташа жөндеу жобалары жалғасуда. Ол жерлерде филиал инженерлері жол құрылысы материалдарының сапасын сараптаудан өткізіп, асфальтбетон жабындысының өзектік сынамаларын алады.

«Облыстық маңызы бар автомобиль жолдары бойынша бізде 26 нысан бар. Ол жерлерге біз 38 мәрте шығып, тексердік. 96 жол құрылысы материалдарының сынамалары алынды, 92 үлгі біздің зертханамызда сараптамадан өтті. Сондай-ақ аздаған ақаулар мен ескертулер анықталды», – деп филиал директоры Талғат Қайратхан атап өтті.

Сапа тексерісінен аудандық маңызы бар жолдар да өтеді. Ол жерлерде ««Жол активтерінің Ұлттық сапа Орталығы» РМК инженерлерінің бақылауында 26 нысан бар. Ол жерлерге 42 рет тексеру жасалып, 76 құрылыс материалдарының сынамасы алынды. 55 сынама зертханада сыналды. Кейбіреулеріне қатысты тапсырыс беруші мен мердігерге сәйкессіздіктерді жою туралы хаттар жолданды.

«Ішкі ауылдық жолдар мен елді мекендердің көше-жол желілерінің маңызы зор. Олар бойынша 72 жөндеу жобасы іске асырылып жатыр. Сондықтан инженерлер ол жерлерге 120-дан астам тексеру жұмыстарымен шығып, жол құрылысы материалдарының 220-ға жуық сынамаларын алды. Олардың барлығы сараптамадан өтті. Сонымен қатар, сапаны бақылау шараларына қоғам белсенділері мен жергілікті халықты тартудамыз. Жолдарды жөндеу учаскелеріне шығуларды «Әділдік Жолы» қоғамдық бірлестігінің филиалымен бірге, бей-жай қарамайтын азаматтардың өтініштері бойынша ұйымдастырамыз», – деп Талғат Қайратхан атап өтті.

Жалпы, жол қызметкерлері атап өткендей, техникалық қадағалау тарапынан жол құрылысы жұмыстарының барысын бақылауды күшейту қажет. Дәл сол техникалық қадағалау инженерлері объектіде үнемі болуға тиіс. Оның іске асырылуынан бастап, толық пайдалануға берілгенге дейін және тапсырыс берушіге анықталған ақаулар мен бұзушылықтар туралы уақытылы хабарлап отыруы қажет.

 

- Жарнама -Newspaper WordPress Theme

Соңғы жаңалықтар

Ерікті мемлекеттік қызметшілер қоғамдық орындарды тазарту және абаттандыру жұмыстарына қатысты

А.ж. 11 шілдеде «Таза Қазақстан» республикалық акциясы аясында ҚР Мемлекеттік қызмет істері агенттігінің Ақмола облысы бойынша департаментінің қызметкерлері, Департамент жанындағы «Еріктілер кеңесінің» мемлекеттік қызметші-еріктілері,...

Ақмола облысында cот әкімшілеріне сыбайлас жемқорлық үшін жауапкершілік түсіндірілді

Жемқорлықтың алдын алу аясында Сыбайлас жемқорлыққа қарсы іс-қимыл департаменті Сот әкімшілігі департаментімен және облыс соттарының әкімшілерімен семинар өткізді. Кездесу барысында превенция басқармасы басшысының орынбасары Абай...

Мемлекеттік қызметтегі өзекті кадрлық мәселелер талқыланды

ҚР Мемлекеттік қызмет істері агенттігінің Ақмола облысы бойынша департаментінің өкілдері облысымыздың жергілікті атқарушы органдарының персоналды басқару қызметі өкілдеріне арналған семинар өткізді. Семинарда Департаменттің мемлекеттік қызмет...

Университет түлектері мемлекеттік қызметке шақырылды

ҚР Мемлекеттік қызмет істері агенттігінің Ақмола облысы бойынша департаменті мен жоғары оқу орындары арасында жасалған өзара ынтымақтастық туралы меморандум аясында Департамент басшысы Думан Әбілев...

Мемлекеттік аппаратты кәсібилендірудегі жаңа тәсілдер

Мемлекеттік қызметшілердің парызы - халыққа бағдарланған мемлекеттік аппараттың тиімді жұмысын қамтамасыз етуде біртұтас механизм іспетті қызмет ету. Осынау жауапты қызметті абыроймен атқарып, ел үмітін...